Марий-влак чумыргеныт

26-28 сентябрьыште Саранскыште (Мордва Республик) «Финно-угорские народы России и сохранение стабильности многонационального Российского государства» теме дене Российысе финн-угор калык-влакын V съездышт эртен. Тушто Российын тӱрлӧ кундемже гыч 50 наре марий еҥ лийын, тушеч 19-ше – Марий Эл гыч (эше ик мордва да кок одо). Чылажге элнан 40 регионжо гыч 200 наре делегат, 96 эскерыше да 25 уна чумыргеныт.

Съезд годымак марий-влак посна чумыргеныт. Нунын дене Марий Оньыжа Анатолий Иванов мутланен. Тыге Мер Каҥашын шыше сессийжым ноябрь тӱҥалтыште эртараш да Марий Элын шочмо кечыж дене кылдаш палемденыт.