Кокымшо сӱремыште Олор школышто Марий самырыктукым слет пелен эртаралтше Самырык этножурналист школышто радио да телевидений паша нерген лекций лийын. Тудым «Марий Эл» ГТРК-н корреспондентше Алёна Иванова вӱден.

Алёна пашажым пеш йӧрата, садлан чыла уверым шӱмжӧ гоч луктын пуа, лекцийыштат тыгак. Тудын мутшым умылаш куштылго да пуымо шинчымашыже шуко жаплан ушышто кодеш.

Алёна мыланна телевидинийысе журналист пашан ойыртемже нерген каласкален. Умылтарен: могай лийшаш уста корреспондент, тудо мом, кузе да могай йӱк дене ойлышаш, кузе уверым калык деке намиен шуктышаш.

Алёна Иванова эше мемнам филь-портрет дене палдарен. Ик видео материалжым ончыктен.

Кумшо сӱремыште тудо мыланна практик пашам эртарен - интервьюм налаш пырля налын. Интервьюм чолга марий пöръеҥ Аркадий Данилов пуэн. Материал марий йӱла дене кылдалтын.

Аркадий Александрович чимарий йÿла, ший памаш, марий лӱм, юмо нерген каласкален. Интервью годым ме опереаторын да корреспондентын пашаштым ужын улына. Шуко уым пален налынна.

Иктым каласыме шуэш: журналист паша куштылго огыл, шуко жапым да моштымашым йодеш. Кузе Алёна ойла, журналистын илышыже – тиде корно: чыла вере да эре.

Автор: Надежда Ильина да Ирина Сунгурова,
Самырык этножурналист школын еҥышт.

• Школа молодого этножурналиста в Республике Марий Эл
• АНО "ИНТЕЛЛЕКТУАЛ"
• НОВОЕ ПОКОЛЕНИЕ
• У ТУКЫМ