Марий киношто кӧ модаш тӱҥалеш? (фото)

Вход на сайт

28 апрельыште марий киношто Аня ден Зинан рольыштым модаш ӱдыр-влакым ойырышт. Кастингыш 12 мотор ӱдыр толын ыле. Режиссёр Олег Иркабаевлан чот пашам ышташ логале, вет кажныжын моштымашыжым тергыман.

Тыге Анян рольжым Марий кугыжаныш университетын студенкыже Людмила Фёдорова модаш тӱҥалеш гын, Зинан рольышко икмыняр еҥ уло, иктыже - Республикысе тӱвыра да сымыктыш колледжын студенткыже Айгуль Мухамадеева. 29 апрельыште Зинан рольжым модшо рашемеш.

Санун рольжылан мурызо, артист Виктор Апталиковым ойырымо, а Витян рольжым артист Александр Кожевников модаш тӱҥалеш.

Ушештарена: 20 апрельыште кастингын икымше этапше эртыш. Тунам тыгай рольлан артист-влак пале лийыч:
Микыта - Олег Кузьминых, РФ-ын сулло да Марий Элын калык артистше;
Овдачий - Светлана Никитина; Марий Элын сулло артисткыже;
Шумат - Иван Смирнов, РФ-ын сулло артистше;
Качырий - Зинаида Долгова, Марий Элын калык артисткыже.

Нуно чыланат "Ял ӱмбалне мужыр йӱксӧ" кином сӧрастарат. Съёмке кеҥежым лиеш, а кызыт репетиций-влак тӱҥалыт.

PS: Продюсер, "МАРИКИНО" студийым вуйлатыше Николай Мамаев кастингыш толшо кажне еҥым таушта. "Ме кажне участникым шотыш налме, нунын дене ончыкшым кылым кучаш тӱҥалына, манын ӱшанена", - ойла продюсер.

IMG_1179--.jpg

IMG_1192-.jpg

IMG_0079-.jpg

IMG_0036-.jpg

IMG_0104-.jpg

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.