Марла календарь - Талешке кечылан ямдылалтыт (фото)

Марий мер организаций-влакын еҥышт Марий талешке кечылан ямдылалтыт. Теве 25 апрельыште кастене Йошкар-Олаште марий национальный герой-влаклан шындыме памятник-влакым йытыраеныт. Шернур землячествын да "Саскавий" марий ӱдырамаш ушемын еҥышт-шамыч кӱртньыгорно вокзал воктене вераҥдыме Йыван Кырла лӱмеш памятникым мушкыныт. А 26 апрельыште нуно тышке сортам чӱкташ, пеледышым пышташ да Талешке-влакым шарналташ чумыргат.

Йӱлашке пурышо «Шарнымаш сорта» акций Марий Эл мучко да икмыняр моло кундемлаште эрта. Марий талешке-влакын чапкӱшт, шарнымаш оҥашт воктене чолга марий еҥ-влак чумыргат да тыгак сортам чӱктат.