Морко район Шланьыште шыже кумалтыш

Калыкыште тыге ойлат: еҥлан сайым ыштет гын, тудат тыланет сайым ышта. Юмылан порым шонен толмет вий-куатым, алым пуа.

Юмо деч сайым гына йодын Морко район Шлань ялыште 19 ноябрьыште (кылме) чыла ял калык, рÿж погынен, ялысе отышко кумалаш лектын.

Кумалтышыште кум тулолмо лийын: Тÿнямбал Кугу Юмо, Шочынава да Ош Поро Кугу Юмо. Кажне тулолмын шке вийже, садланак калык Юмо деч могай-гынат полышым йодын, кажныже шке шонымашыж дене тÿрлö верышке шогалын.

Эн виян тулолмылан Тÿнямбал Кугу Юмо шотлалтеш.

Шыже кумалтыш годым отышко тÿрлö вольык дене лекташ лиеш, тыгак тушко мийыше еҥ шокшо мелна кышылым намия.

Автор: Кристина Веденеева, Самырык этножурналист школын участникше.
#МариАрслан #новости #праздник #религия #мари #марикалык