Тÿрым тÿрлыше кова-влак

Шуко илалше кова-коча, пенсийыш лекмек, шкаланышт у сомылым кычалаш тÿҥалыт. Кő спорт дене кылым куча, кő мураш да кушташ тарана, кудыжо уныка дене шинча. А вот Татарстан кундем Агрыз районышто илыше ака-шÿжар Елизавета Иванова да Валентина Михайлова ончычсо, йоча годсо пагытыште тунемме пашам шарналтышт - тÿрым пеш тÿрлат.

Нуно йÿштö теле кечын яра шинчаш огыл манын, имым, йыргешкым, шÿртым кевытыште лÿмынак нальыч. Ынде ош пасмаш яндар йошкар саскам, ужар лышташым тÿрлат. Тÿрлен пытарымек, нунын дене кÿпчыкым сőрастарат. Тугак эрге уныка-влаклан армийыш каяш, ÿдыр уныка-влаклан аршашан шÿршовычым ямдылышт.

«Ме кажне ийын мом-гынат уым ышташ тыршена. Кузе яра телевизорым ончен шинчет!? Тапочкым, роза пеледышым, паласым, мÿкш омарташ пышташ холстикым да изи тőшакым... Тыфгодым ваш-ваш полшена: мом иктыже огеш пале, весылан ойла, туныкта», – каласкалат уста ÿдырамаш-влак.

Кажне кечын, тыршен-тыршен тыгай иктешлымашке лектыныт: кő гына нунын деке унала огеш тол, кажныже пашаштым да шкеныштымат фотографирыватлен кая.

«Вес ийын мом ышташ эше шоналтена», – маныт мастар-влак. Но раш каласаш лиеш, пагытым яра огыт йомдаре.

Автор: Любовь Михайлова.
#МариАрслан #Увер #Татарстан #Мари