Марий талешке кечым палемдаш ямдылалтына

Вход на сайт


2016 ий 21 апрельыште Мер Каҥашыште погынымаш эртыш. Тудым у Оньыжа Эдуард Александров вӱдыш. Тушто нӧлталме тӱҥ йодыш – «Марий талешке кече» пайремым эртарымаш.

MerKanash_21.04.16.jpg

Тыге, 26 апрельыште Марий талешке кечым палемдена. Тидын вашеш Мер Каҥашын еҥже да марий мер активист-влак Кугу Ачамланде сарын геройжо-влакын памятникыштым, шарнымаш оҥаштым, шӱгарыштым вораҥдарыме пашам шуктат. А Талешке кечын Марий тӱня мучко шарнымаш сортам чӱктат да памятникла воктеке пеледышым пыштат.

Йошкар-Олаште 7 шагат эрдене Мер Каҥаш да моло чолга еҥ Чавайн памятник воктене погынат. Вара тӱрлӧ чапкÿ деке шаланат:
Я.П. Майоров-Шкетанын деке – М.И. Матвеев да Драме театр;
Й. Кырлян деке – В.А. Мочаев да Шернур кундем землячестве;
А.С. Крупняковын деке – С.Д. Архипова да Писатель ушем.

Тыгак Йошкар-Оласе талешке-влакын шарнымаш оҥашт декат миен толыт:
В.Д. Бурлаковын деке – М.И. Матвеев да Драме театр;
В.М. Васильевын деке – МарНИЯЛИИ;
Т.Е. Евсеевын деке – Л.Н. Смирнова да Национальный тоштер;
С.Н. Николаевын деке – В.А. Кольцов да Морко кундем землячестве;
Н.Ф. Рыбаковын деке – Э.В. Александров да Юлсер кундем землячестве;
И.С. Палантай-Ключниковын деке – А.М. Клёнов да Тӱвыра да сымыктыш колледж, Композитор ушем;
Е.З. Васютинын деке – И.В. Эштуков да Курыкмарий землячестве;
Кугу Ачамланде сарын геройжо-влакын деке – Н.В. Пушкина да Республикысе марий тӱвыра рӱдер;
Поэт-влакын деке – С.Д. Архипова да Писатель ушем;
Журналист-влакын деке – А.С. Абдулов да «Марий Эл» газет редакций;
Ӱдырамаш-влакын деке – Л.И. Кошкина да «Саскавий» марий ӱдырамаш ушем.

Тиде кечынак Оршанке районыш Мамич Бердейын чапкӱж деке каят. Да 15.00 шагатлан Йошкар-Оласе рӱдӧ паркыште «Мый марла ойлем» акцийыш ушнаш лиеш

Тиддеч посна эше 22 апрельыштак Марий кугыжаныш университетыште «Ший талешке» пайремым Республикысе марий тӱвыра рӱдер эртара.

24 апрельыште 10 шагатат 30 минтулан «Шарналте тыят тукыметым» йоча пайрем концерт вуча. Тудо Марий Элысе йоча да самырык-влаклан театр-рӱдерыште лиеш.

15 майыште эше ик Талешке Юрий Петрович Русановым шарныме лӱмеш концерт М.Шкетан лӱмеш марий кугыжаныш драме театрыште лиеш. Тиде концертыште ужалыме билет деч шийвундо Юрий Петровичлан чапкӱм ышташ кая.

Автор: Эльвира Куклина.

Марий талешке кече. Шарне тыят тукыметым!!! Лудаш>>>

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.