Финн-угор йылмылаште неологизм шотышто вебинар эртыш

2016 ий 15 мартыште Калыкле тӱвыра да тӱвыра кокласе кыл институтышто (Марий кугыжаныш унвиерситет) «Финно-угор тӱшкаш пурышо калык-влакын неологизмыштын ышталтмышт. Нуным йылмыш пуртымаш» («Современные формы и методы образования неологизмов в финно-угорских языках. Практика их внедрения в языковую среду») лӱман вебинар эртыш.

Тиде вебинарыште марий, карел, эрзя, удмурт йылмылашке у мутым пуртымо йӧн-влак нерген каласкалышт. Марий Эл гыч доцент, филологий шанче кандидат, финн йылмым туныктышо Валентина Григорьевна Гаврилова, Удмуртий гыч политике шанче кандидат Ольга Владимировна Урасинова, Коми Республике гыч Москваште удмурт йылмым туныктышо, Василий Пантелеймонович Чупров ден Е.К. Кожевина, Карелий гыч Татьяна Петровна Бойко ден Татьяна Алексеевна Баранова шке докладыштым лудыч, а эрзя йылме дене Ольга Михайловна Богданова ден Денис Викторович Кафтаев палдарышт.

Вашлиймашын шонымашыже – ик калыкын опытшым, моштымашыжым вес калыклан пуаш, ончыкташ. Тыгай вебинарым эртарен колтымылан проектын авторжо да тудын координаторжо-влак Людмила Карпова ден Наталья Ишкиналан кугу таум каласыман.

Автор: Христина Александрова.