Пагалыме школ директор йолташ!

«Ямде лий» – марий икшывын эн йєратыме газетше. Ятыр марий поэт, прозаик, газет да журнал пашаеҥ лач тиде газет гыч возымо пашажым тӱҥалын.

Чаманен каласаш кӱлеш, пытартыш ийлаште «Ямде лий» газетын подписчикше койын шагалемеш. Амалже могай? Очыни, ача-ава, туныктышо-шамыч кӱлеш умылтарыме пашам шагал шуктен шогат. Южо вереже, шылташ нимолан, предмет дене кылдалтше туныктышыжат «Ямде лийым» огеш нал. Но ме икте-весынам шылталаш, вурсаш амалым огына кычал. Кертмына семын пашадам куштылемдаш полшышо материал-влакым савыкташ тыршена. Ончалза, тӱрлö чиян, пеҥгыде кагазеш лукмо дене газетын сынже кузе вашталтын! Кеч-могай урокышто пайдале. Газетын кугытшо – А-4 формат, 8 лаштык. Южо туныктышо, комым ыштен, книга семын кучылтеш.

Пагалыме йолташ-влак! Кажне марий икшыве шочмо йылмыж дене савыкталтше «Ямде лий» газетым налшаш. Тӱрлö йöн уло:
1). УФПС-Россий почто гоч. Ак – 297,78 теҥге. Эн йöнанлан шотлалтеш.
2). Йошкар-Олаште, райрӱдылаште илыше-влак «Пресса», «Газета» киоскла гоч оксала налын кертыт. Ак – кутырен келшыме почеш.
3). Альтернативный: редакций гоч шулдырак ак (200 теҥге) дене подпискым ышташ лиеш. Адрес почеш намиен пуэна. Тиде йöн Йошкар-Олалан гына келшен толеш.
4). Районлаште почтальон-шамыч деч оксала налаш лиеш.

Тыгеракын, 2016 ий I пелылан газет ден журнал-влаклан подписке тургым кая. Тудо 15 декабрь марте шуйна. «Ямде лий» газетлан возалташ вашкыза.

Поро кумыл дене тӱҥ редактор Лидия Семёнова.

• Йошкар-Олаште «Марий тӱр тӱня» выставке почылтеш