2015 ий 21-25 августышто Моско кундемысе Звенигород олаште РФ калык-влакын йылмышт гыч руш йылмыш сылнымут произведений-влакым кусарыше-влакын форумышт эртен. Тушко Марий Эл гычат чолга ӱдыр-влак – Христина Иванова ден Анастасия Ямбаршева – ушненыт.

Форумышто Российын тӱрлö верже гыч тӱрлö йылман 30 наре еҥ лийын. Мутлан, Дагестан, Кабардино-Балкарий, Карачаево-Черкесий, Карелий, Мордовий, Татарстан, Чечен республикыла, Одо, Тюмень, Пошкырт, Ростов, Ставрополь кундемла да моло вер гыч.

Нуным кугыжаныш да мер пашаеҥ, писатель-публицист, политик Сергей Александрович Филатов иктеш чумырен.

Кум мастар класс эртен: тюрк йылме-влак гыч кусарымаш, финн-угор да урал йылмыла гыч кусарымаш, йӱдвел кавказ йылме-влак гыч кусарымаш.

Тӱрыс программе оҥай да пайдале лийын. Форумыш толшо-влак шуко уым пален налыныт да сай йолташ-влакым муыныт. Ынде нуно ваш-ваш кылым кучаш шонат.

Автор: Христина Иванова.

• Немда вӱдлан вуйнам савена