«Самырык этножурналист» регион-влак кокласе молодёжь мер ушнымаш

Вход на сайт

VII Марий самырыктукым слётыштына «Самырык этножурналист» лужа пашам ыштыш. Тиде тыглай огыл. Молан манаш гын, тачысе пагыт ончыкта: пытартыш жапыште самырык-влак коклаште марла возышо шагалем толыт. Марий кугыжаныш университет пелен таче марте журналистике пöлка лийын. Ты пöлка ынде икмыняр ий почела журналистике теме дене республикысе школаллаште индешымше-латикымше класс коклаште сочинений конкурсым эртара. Тений тиде сочиненийым витле наре еҥ возен, но тышечын кум еҥ гына марла возен, молышт – рушла. Шонаш тарата?

slet2015_arslan12_0.jpg

Тыге шочмо йылме дене сайын возышо, ойлышо журналист-влак самырык коклаште шагалем толыт.

Тыгодымак ме таче тыглай огыл пагытыште илена. Тÿнямбал кÿкшытыштат калык-влак кокласе кыл тÿрлö, кучедалмашат кая… Ойлаш кÿлеш, мемнан элыштына шÿдö индешлу кум наций уло, Марий Элыштат шÿдö утла калык ила. Тидым чыла шотыш налын, ме тыгай иктешлымашке шуынна: тачысе журналист, а эн тÿҥжö этножурналист, калык-влак нерген шочмо йылмыж денат, рушлат сайын возен моштышаш.

Мутат уке, шке ончылнынат тыгай задачым шыден улына: марла чын возаш да ойлаш, тачысе пагытыште руш йылмымат сайын палаш; воктене улшо вес калыкын тÿвыражымат, йÿлажымат пален шогаш да весыланат каласкален мошташ.

Чыла тидым шотыш налын, «Самырык этножурналист» лужа слёт кышкарыште у лектышыш шуын. 2015 ий 11 июльышто у организацийым ыштыме. Тудо тыге йоҥга: рушлаже – Межрегиональное молодёжное общественное объединение «Молодой этножурналист», марлаже – «Самырык этножурналист» регион-влак кокласе молодёжь мер ушнымаш. Тудын вуйверышкыже 19 еҥ пурен – слётын участникше-влак. Вуйверын икымше погынымашыжым ыштыме. Тушто «Самырык этножурналист» мер ушнымашын вуйлатшыжым, тудын алмаштышыжым, секретарьым да регионлаште виктарыше еҥ-влакым палемдыме. Вуйлатыше – Максим Алгайкин, алмаштышыже – Надежда Тимофеева, секретарь – Алевтина Бокова, Татарстан кундемыште пашам виктарыше-влак – Анастасия Галиева ден Валерия Васильева, Пошкырт кундем гыч – Анастасия Салаева.

Пагален Максим Алгайкин,
«Самырык этножурналист» лужам вуйлатыше - лужавуй.

slet2015_arslan13.jpg

slet2015_arslan262.jpg

slet2015_arslan65.jpg

slet2015_arslan62.jpg

slet2015_arslan42.jpg

slet2015_arslan4_0.jpg

slet2015_arslan17_0.jpg

slet2015_arslan27_0.jpg

slet2015_arslan19_0.jpg

slet2015_arslan30.jpg

slet2015_arslan14.jpg

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.