Финн йылме курс умбакыже шуйна

2015 ий 1-18 июльышто Сыктывкар кугужаныш университет пелен финн курс эрта. Тÿрлö кундем гыч погынышо финн-угор студент-влак тыршен тунемыт. Икымше кече гычак паша шолеш: ÿдыр-рвезе-влак грамматикым тунемыныт, кусырыме пашалан жапым ойырат да шуко-шуко мутланат. Тунеммаш финнла эртаралтеш, руш мутым кучылтде. Тиде пеш йöнан, тыге йылмына утларак лывырге лиеш.

Тунеммаш деч посна тÿвыра программат куандара. Теве «Муралтена» лÿман кас лие. Студент-влак коми, мари, мордва, финн муро-влакым мурышт.

Тыгак тÿрлö модмаш эртаралтеш. Тунемше-влак финн-угор калык модыш дене модыт да калык йÿла дене палыме лийыт.

А Сыктывкарысе кугыжаныш университетын кидмастар кафедрыштыже тунемше-влак мастар-классым эртарышт. Мастар-класс коми калык тÿвыра дене кылдалте. Чылажге ныл тÿрлö виктыш почеш шуаралтна: пидаш, тÿрым тÿрлаш, курчакым ышташ тунемна, угыч калык модыш-влакым шарналтышна. Тыгодым ыштыме ÿзгарна пöлек шотеш кодо.

Вес оҥай касат ушеш возеш. Финн-угор кундемла гыч толшо-влак шочмо калык йÿла, муро, куштымаш дене ваш-ваш палдарышт, Шочмо эл нерген каласкалышт. Марий студент-влак калык мурым йоҥгалтарышт, кушталтышт, марий почеламутым лудыч. Тыгак моло студентым марла мураш, кушташ туныктышт.

Ушештарена, финн курсышко Марий Эл гыч МарГУ-н 1-ше ден 2-шо курслаштыже тунемше-влак каеныт. Тиде - Анна Васильева, Валентина Алексеева, Анастасия Васильева, Кристина Фролова, Ольга Андреева.

Автор: Анна Васильева, самырык этножурналист.