Марий студент-влак Комиште финн йылмым тыршен тунемыт

Вход на сайт

2015 ий 1 июль гыч Сыктывкар кугужаныш университет пелен финн курс шке пашажым тÿҥалын. Тÿрлö кундем гыч погынышо финн-угор студент-влак тунемаш пижыныт. А Коми кундем курсыш толшо-влакым моткоч сайын вашлийын.

FinnJulme_Arslan8.jpg

Икымше кече гычак паша шолеш: студент-влак грамматикым тунемыныт, кусырыме пашалан жапым ойырат да шуко-шуко мутланат. Тунеммаш финнла эртаралтеш, руш мутым кучылтде. Тиде пеш йöнан, студент-влакын йылмышт утларак лывырге лиеш.

FinnJulme_Arslan12.jpg

Тыгак финн туныктышо-влак тестированием эртарытш, студент-влакын палымым тергышт. Финн йылмым сайын палыше-влакым ик группыш ойырен налыныт гын, молыштым - весыш.
Тыгак «Палыме лийына» лÿман кас эртаралте, студент ден туныктышо-влак ваш-ваш палыме лийыч, кажныже шке нерген каласкалыш. Чылажат тиде финнла лие. Тиде угыч сай, йылме тунеммаш каныме годымат эрта.

Студент-влак Коми кундемын историй тоштерышкыже миен коштыч. Тушто пеш оҥай экскурсий темлышт. Коми калык йÿла, илыме вер да калык дене, коми тÿвыра да калык вургеме, палыме коми еҥ: писатель, сÿретче да моло денат палыме лийна.

FinnJulme_Arslan16.jpg

Ик кечын студент-влак финн модмаш-влак дене модыч.

Курс пеш пайдалын эрта. Студент-влак куан кумыл дене тунемаш коштыт.

Ушештарена, курсышко тӱрлö финн-угор кундем гыч студент-влак ушненыт, мутлан мари, коми, мордва, одо. Марий Эл гыч МарГУ-н 1-ше ден 2-шо курслаштыже тунемше-влак каеныт. Тиде - Анна Васильева, Валентина Алексеева, Анастасия Васильева, Кристина Фролова, Ольга Андреева.

Автор: Анна Васильева, Самырык этножурналист школын еҥже.

FinnJulme_Arslan2.jpg

FinnJulme_Arslan14.jpg

FinnJulme_Arslan3.jpg

FinnJulme_Arslan4.jpg

FinnJulme_Arslan7.jpg

FinnJulme_Arslan17.jpg

FinnJulme_Arslan15.jpg

FinnJulme_Arslan13.jpg

FinnJulme_Arslan5.jpg

FinnJulme_Arslan11.jpg

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.