«Марий юнкор» слёт годым шуко вашлиймаш лийын (видео)

Вход на сайт

Йошкар-Олаште «Марий юнкор – 2015» регион-влак кокласе слёт эрта. Арня жапыште йоча-влак ятыр палыме еҥ дене вашлийыч. Теве 5 июньышто нунын дене «Арслан» этнокультур интернет-журналын редакторжо Эльвира Куклина уна лийым. Ме тачысе у интернет-СМИ нерген мутым вашталтышна.

Junkor2015_Arslan_0.jpg

Тиде кечынак ӱдыр-рвезе-влак «Марий Эл ТВ» ден «Марий Эл радиошто» лийыч. Радиоштыжо ик шагаташ эфирын мутланымашкыже ушнышт. Тиддеч посна нуно кажне эрдене «Калык репортёр» передачышке лектыт да слётын пашаж нерген каласкалат.

Тылеч ончыч Печать пöртыш миен коштыч, «Марий Эл», «Кугарня», «Ямде лий» газет ден марий журнал-влакын редакцийлаштым шке шинча дене ужыч.

А вашлиймаш-влак писатель, журналист-влак Зоя Дудина, Лидия Иксанова, Татьяна Пчёлкина, Александр Петров, Игорь Попов, Володя Матвеев, «Кугу Какшан» пӱртӱс заповедникын специалистше Геннадий Богданов дене лийыныт.

Редакцийлаште да посна вашлиймаш годым авторгафым погеныт. Эн шукыжо (5 июньлан) 17 еҥ тыланымашым ик ӱдырлан возен. Тыге «Юлтех» университетын Ботанический садыштыже кызытсе пагытыште пеледше шуко пеледышым ужыныт.

Junkor2015_1_Arslan_0.jpg

Ушештарем, «Марий юнкор – 2015» слётыш 4-8 да 10 класслаште (икте) тунемше 27 йоча толын. Нуно Марий Элын кажне районжо да Пошкырт ден Татарстан кундемла гыч улыт. Ӱшаныме шуэш, юнкор-влак кокла гыч тале марий журналист-влак лектыт.

Автор: Эльвира Куклина.

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.