1 июньым пöлекле йочалан!

Вход на сайт

1 июнь - Йочам аралыме тӱнямбал кече. Тиде пайремлан ятыр мероприятий эртаралтеш. Теве "Саскавий" марий ÿдырамаш ушемат йоча-влаклан пайремым пöлеклыныже.

Ушемын пытартыш вуйверыштыже кутырен келшыме почеш, "Саскавий" Республикысе марий тÿвыра рÿдерын «Ик кечым пӧлекле йочалан» пайремышкыже ушна да эртараш полша.

«Ик кечым пӧлекле йочалан» пайрем 1 июньышто 12 шагатлан Йошкар-Олаште, Рӱдӧ тӱвыра да каныме паркын эстраде аланыштыже, лиеш.

IMG_1297-_0.jpg

Йоча-влакым тӱрлӧ модыш, муро, куштымаш, шуко пöлек вучат. Да тамле кочкыш куандара: «ЕВРОФУД» ООО «МАРИ-АЙС» мороженыйым эн чолга-влаклан кучыкта.

Тыгак Оршанге район Кугунур тӱвыра пӧртын «Шонанпыл» ден Республикысе йоча да самырык-влакын усталык полатыштын «Шокто гармонь» йоча фольклор ансабльышт пайрем кумылым вÿчкаш тӱҥалыт.

Толза - весела лиеш! Ача-ава, коча-кова-влак да кажне кугыеҥ, ик кечым йочалан пöлеклыза!

Автор: Эльвира Куклина.

1 июнь - Йочам аралыме тӱнямбал кече!
Аралыза, йӧратыза икшывыдам, лийза эре нунын пелен!!!

Икымше лаштыкыш пöртылаш>>>

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.