Книгагудо йÿдым «Марий сылнымутышто – самырык вий» литератур кас эртыш (фото, видео)

Вход на сайт

2015 ий 24 апрельыште 18.00 гыч 23.00 шагат марте С.Г. Чавайн лÿмеш калыкле книгагудышто (Йошкар-Ола) «Библионочь 2015» кас эртыш.

Biblionoch1_Arslan.jpg

Книгагудын кажне пöлкаштыже, фойештыже, холлышто могай-гынат выставке, мастар-класс, тÿрлö акций, библиотеке кинотеатр пашам ыштышт, мурышт, куштышт.

Калыкле да краеведений пöлкаште «Марий сылнымутышто – самырык вий» литератур кас лие. Тиде вашлиймашке палыме да возаш тӱҥалше сылнымутчо-влак: Валентина Изилянова, Татьяна Пчёлкина, Татьяна Соловьёва, Вера Гордеева, Татьяна Япаева, Надежда Эмыкан, Алёна Яковлева, Ирина Закиева, Игорь Попов, Эльвира Рыжова, Марина Чермакова, Татьяна Айтова, Николай Любимов, Вероника Мустаева - уло кумылын ушнышт.

Biblionoch_Arslan_0.jpg

Мутланымашым Валентина Изилянова тӱҥале. Поэтессе шке пашаж дене палдарыш, самырык-влакын возымыштым эскерен шогымыж нерген каласыш да умбакыжат усталыкым шуараш тыланыш.

Кажне уна шкеж нерген ойлыш: кузе да кунам тудо возаш тÿҥалын, мо таратен сылнымутлан эҥерташ.

Шукышт школ пагытыште, студент годым возаш тÿҥалыныт. Но Игорь Попов, шке ойлымыжо почеш, «буквам палыде возаш тÿҥалын». Икымше гана ачажын мешак нöлтымыжым ужын – почеламут шочын. Школыш кайымеке, утларак шуаралтын.

Татьяна Пчёлкинан шуко почеламутшо кугу йöратымаш пагытыште да вич ий военный частьыште пашам ыштымыж годым возалтыныт. Паша деч вара мöҥгыжö пÿртÿс лоҥгаште ошкылшыжла у деч у почеламут корно-влак шочыныт.

Тиде касыште ончыкылык возгалыше-влак шотыштат каҥашен нальыч. Молан сылнымутым тапташ шонышо-влак шагалемыт? Тиде йодышымат тарватышт.

Татьяна Соловьёва «Поэзий шепкаште» литератур клубым вуйлатен шога. Самырык возгалыше-влаклан полшаш мутым пуыш. Шыже гыч самырык-влакым иктыш ушнаш да пырля пашам виктарен колташ темлыш.

21 шагатлан М.Шкетан лÿмеш театрын артистше-влак Марина Почтенева ден Сергей Данилов Валентина Изилянован почеламутшо дене келыштырыме «Вашлие мурышто кок чон» сылнысем-сылнымут композицийым ончыктышт.

Biblionoch2_Arslan.jpg

Автор: Вероника Мустаева, Самырык этножурналист школын еҥже.

Biblionoch3_Arslan.jpg

Biblionoch4_Arslan.jpg

Biblionoch5_Arslan.jpg

Икымше лаштыкыш пöртылаш>>>

Назад на первую страницу>>>

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.