Марий кугыжаныш университетыште Марий талешке кече (фото)

Вход на сайт

2015 ий 23 апрельыште Марий Кугыжаныш университетыште марий йылме да литератур кафедра пелен РМ-22 группо « Марий талешке кече» пайремым эртарыш. Тудо Кугу Ачамланде сарыште сеҥымылан 70 ий темыллан да Российысе сылнымут идалыклан пöлеклалте.

dRZAUw5Y1Ek.jpg

Пайрем Семён Вишневскийын «Мондаш ок лий» почеламутшо дене тÿҥале. Чынак, мондаш огеш лий тудо жапым, кунам тÿжем дене еҥ Кугу Ачамланде сарыште, Шочмо элым арален налаш манын, шке илышыжым чаманыде кредалын.

Мероприятий жапыште РМ-22 группо сарыште лийше марий писатель-влак дене палымым ыштыш, нунын чапышт нерген каласкалыш. Теве Геннадий Матюковскийым, Миклай Казаковым, Вениамин Ивановым, Дмитрий Орайым, Пет Першутым, Шадт Булатым, Макс Майным да ятыр молымат шарналтышна. Тыгак нунын сар пагытыште возалтше почеламутышт йоҥгышт.

Библиотеке пашаеҥ-влак сар пагытыште возалтше книга выставкым ончыктышт.

eg8zfO6e_e4.jpg

Пайремышке Марий Эл Республикын калык поэтше Геннадий Сабанцев-Ояр, МарГУ-со профсоюз комитетын председательже Лидия Садовина да воспитаний паша шотышто пöлкам вуйлатыше Татьяна Смышляева толыныт. Геннадий Леонидович «Василий Тёркин» произведений гыч марлаҥдыме ужашым лудын пуыш.

Студентке-влак сылне мурым мурышт. Алина Макарова «Мöҥгыштö» да Валентина Петрова «Кырык сиреш мӹньӹшачын кушкым…» мурым йоҥгалтарышт.

zRyL5NIGPR8.jpg

Пайремым эртараш марий да литератур кафедрын доцентше, филологий шанче кандидат Галина Бояринова чот полшен.

Пайрем мучаште чылан «Ме марий улына» мурым мурышна. Да почеламутым эн талын лудшо-влакым Чап кагаз дене палемдышт.

6-wlAoOeWUA.jpg

Автор: Анна Васильева, Самырык этножурналист школын еҥже.
Фото: Анна Васильева ден Христина Иванован.

qCkghppjYeI.jpg

nq9aglneLho.jpg

vRP6QRw6CjU.jpg

Икымше лаштыкыш пöртылаш>>>

Назад на первую страницу>>>

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.