Мордовийысе кугыжаныш мурышо да куштышо «Умарина» («Олмапу») ансамбль мемнан унана

Вход на сайт

2-5 апрельыште Йошкар-Олаште Сеҥымашын XXX идалыкше лӱмеш тӱвыра полатыште эртыше «Михаил Мурашко йолташыже-влакым ӱжеш» V тӱнямбал конкурс-фестиваль йырже ятыр йолташым, куштышо-влакым да хореограф-шамычым чумырен. Тений фестивальыш Марий Элын пошкудо регионлаж гыч, Красноярск кундем, Астраханск да Свердловск область гыч, Татарстан кундемысе Елабуга ола да моло кундем гычат толыныт. Тиде фестивальын поро йӱлаже – кумдан чапланыше куштышо да мурышо ансамбльым уна семын вашлияш.

IMG_0152s.jpg

3 апрельыште тыгай поро уна - Мордовийысе кугыжаныш мурышо да куштышо «Умарина» («Олмапу») ансамбль - пайрем кумылым Йошкар-Ола калыклан да олашке толшо-влаклан пӧлеклен. Ансамбльын вуйлатышыже Василий Иванович Четыркин – Мордовий сымыктышын сулло пашаеҥже. Ты ансамбльым 1990 ий годсек вуйлата.

Мордва кугыжаныш куштышо да мурышо ансамбль нерген икмыняр ий ончычак колынам ыле, но ты марте шке шинча дене ужын омыл. Мылам тиде чапле пайрем касыш каяш пиал шыргыжале, вет «Кидшер» сайтыште концертыш ӱжмашым куд еҥ кокла гыч лач мый модын нальым.

Ме палена, мордва калык финно-угор ешыш пура. Мордовий гыч «Умарина» ансамбль фестивальышке ятыр сылне, куанле муро, куштен-мурымо произведений да сылне куштымаш-влакым конден. Шочмо-кушмо кундемже нерген, пайрем да илыш-йӱлаж нерген мурен-куштымаш гоч ончаш толшо калыкым палдарен да куандарен.

Автор: Ирина Закиева, Самырык этножурналист школын участникше.
Фотом «Урмарина» («Олмапу») ансамбльын
http://umarinamusic.ru сайтше гыч налме.

Икымше лаштыкыш пöртылаш>>>

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.