"Воштылаш, товатат, сулык огыл" конкурсышто марий пародий сеҥен (фото)

Вход на сайт

2015 ий 1 апрельыште Йошкар-Олаште 22-шо гана "Воштылаш, товатат, сулык огыл" конкурс эртыш. Тиде касым мыланна угыч "Кугарня" газет редакций пӧлеклыш. Тушто 15 тӱрлӧ номерым ончышна. Мастарлыкыштым Марий Эл Республикысе районла да Пошкырт кундем гыч толшо-влак ончыктышт. Икымше верыш Советский район гыч Андрей Васильев лекте. Тудо гитаре почеш Марий Эл Радион пашаеҥже Ирина Якаевалан да мурызо Виктор Комаровлан возымо пародийжым мурыш. Кузе мый шарнем, марий йылме дене пародий таче марте лийын огыл... Ала йоҥылыш лиям - иктаж-кӧ тӧрлата?

Voshtulash_Arslan.jpg

Тений "Воштылат, товатат, сулык огыл" конкурслан куд касым пӧлеклыме. Ончыч тудо Звенигово район Кужмара селыште? Оршаҥге район Тошто Крешыныште, Советский, Шернур, Морко посёлкылаште лийын. Тыгак Пошкырт кундемыште "Чолман" газет эртарен. Конкурсын икымше этапыштыже сеҥыше-влак Йошкар-Олашке толыныт да республике кӱкшытыштӧ моштымашыштым ончыктеныт.

Нуным официальный жюри да почётан еҥ-влак акленыт. Жюрим РФ сымкытышын сулло пашаеҥже Олег Иркабаев вуйлатен.

Кас мучко чот воштылмо, но икмыняр номерже начаррак улыт ыле. Мыскарам марла ыштен моштыжат шагал ала-мо?

Тыге кумшо верыш лектыч: Шернур район гыч "Пӧлек" ансамбль мыскара куштымаш дене, Оршаҥге гыч Римма Кудрявцева, Ирина Кудрявцева, Елена Рыбакова "ЭГЕ" сценке дене. Кокымшо вер дене палемдалтыч: Йошкар-Ола гыч Сергей Карпов, Александр Кожевников, Вера Горохова да Оршаҥге гыч Виталий Кудрявцев "Беби-бум" сценке дене. Кокымшо верышкак Советский район Кужмара гыч Вера Мочаева ден Валя Ефремова "Йӧратымашым кычалын" номер дене лектыч. Икымше вер - Советский район гыч Андрей Васильевын.

А касым мурызо-влак Роза Искакова, Светлана Дмитриева-Осипова, Любовь Орлова, Галина Почелина, Иван Смирнов, Вадим Краснов, Виктор Комаров, Стас Устюгов сӧрастарышт. Тӱрыс программым Вера Горохова ден Александр Кожевников моткоч мастарын вӱдышт. Ончышо-влак коклаште тыгай мутланымашат шоктыш: "Теве вӱдышӧ-влаклан икымше верым пуаш кӱлеш...".

Сеҥыше да чыла участникымат Марий Оньыжа, Марий Эл Кугыжаныш Погын вуйлатышын алмаштышыже Анатолий Иванов саламлыш. Пошкырт кундемысе "Чолман" газетын тӱҥ редакторже Игорь Губаев поро мутым ойлыш.

Тиде кастене конкурсыш ушнышо кажне еҥ могай-гынат пӧлек дене палемдалте.

Автор: Эльвира Куклина.

Voshtulash4_Arslan.jpg

Voshtulash6_Arslan.jpg

Voshtulash7_Arslan.jpg

Voshtulash8_Arslan.jpg

Voshtulash9_Arslan.jpg

Voshtulash10_Arslan.jpg

Voshtulash11_Arslan.jpg

Voshtulash12_Arslan.jpg

Voshtulash13_Arslan.jpg

Voshtulash14_Arslan.jpg

Voshtulash15_Arslan.jpg

Voshtulash16_Arslan.jpg

Voshtulash17_Arslan.jpg

Voshtulash1_Arslan.jpg

Икымше лаштыкыш пöртылаш>>>

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.