Морко район Весьшÿргö ялыште ик еш семын илат! (фото)

Вход на сайт

2015 ий шошо тылзын 20-шо кечыштыже 6 шагат кастене Весьшÿргö ялысе клубыш калык шыҥ-шыҥ погынен. Сеҥымашлан 70 ий темме вашеш чапле концерт эртыш.

Morko2_Arslan.jpg

Мероприятий тÿҥалтыште Волаксола ял кундем вуйлатыше Владимир Михайловлан да Морко районысо тÿвыра пöрт вуйлатыше Владимир Дмитриевлан мут пуалте. Нуно кундемысе ветеран-влакым уло кумылын саламлышт. Кок ветеранлан Сенымашлан 70 ияш лÿмгечылан пöлеклалтше медальым кучыктышт.

Концерт программе тÿҥале. Ялысе артист-влак шÿшпык гай яндар йÿкышт дене мурым шергылтарышт. Лыве гай лывырге кап-кылышт дене тавалтен колтышт. Ончаш толшо-влакым куан ден ойгым чон гоч колташ таратышт. Концертыште изижге-кугужге шке мастарлыкыштым ончыктышт.

Тыгай чапле мероприятийышке кугу надырым ялысе клуб вуйлатыше Роза Келушева да тудын полышкалшыже-влак: Елена Александрова ден Эльвира Григорьева пыштеныт. Калыкым тарватымаш, организатор паша – чыла нунын вачÿмбалне. Тек ты кундемын мастар еҥже-влак дене чаплана. Пошкудо-влак родо гай ваш эҥертен, кече кай волгалтын, ик еш семын илат.

Автор: Христина Иванова, Самырык этножурналист школын чолга еҥже.

Morko3_Arslan.jpg

Morko4_Arslan.jpg

Morko5_Arslan.jpg

bktNtckPO5Y.jpg

Икымше лаштыкыш пöртылаш>>>

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.