Поэтессе Зоя Дудидан сылне касше. Кум томан книга презентаций (фото)

Вход на сайт

2015 ий 5 мартышт Т.Евсеев лÿмеш национальный тоштерыште поэтессе Зоя Дудинан кум томан книга презентацийже эртыш.

bRJOOfONXUE_0.jpg

Сылнымут мастарын книгажын икымше томышкыжо почеламут-влак пуреныт, кокымшо томыш - очерк-влак, кумшо томышто кусарыме произведений-влакым лудаш лиеш. Кузе поэтессе палемдыш: икымше томышто - йоча ден самырык жапысе усталык паша; кокымшо томысо сылнымут Марий книга савыктышыште тыршымыж годым возалтыныт, а кумышо томышто - пытартыш ийласе лектыш.

MGqNPC-91bM.jpg

Пытартыш жапыште Зоя Михайловна кусарымашлан кумылаҥын. Шым ий ончыч австрий йомак-влакым кусарен, тыгак руш писатель Дмитрий Мазгулинын 13 почеламутшым, финн йылме гычат шагал огыл марлаҥден. Да, Зоя Дудинан пашаже пеш кумда, лектышыжат куандара мемнам, лудшо-влакым.

Зоя Дудинан сылнымут касышкыже тудын поэзийжым йöратыше да аклыше-влак ятырын миеныт: Марий Элын сулло артисткыже Маргарита Медикова, Республикысе йоча да самырыктукым театр-рӱдерын артистше Любовь Купсольцева, «Марий Эл» газетын журналистше Светлана Пехметова, поэтессе Надежда Никитина, писатель Мария Илибаева, Марий кугыжаныш университетын доцентше Валентина Гаврилова, «Ямде лий» газетын редакторжо Лидия Семенова да молат.
Презентаций кас сöралын эртыш. Уна-влаклан сылнымутмастар книга ден сувенир-влакым пӧлеклыш.

Пагалыме Зоя Михайловна, умбакыжат кугу лектышым, усталыкым тыланена.

Автор: Вероника Мустаева.

3U2mgyodxlw.jpg

9npbMAz9zwI.jpg

Gp7_B5mfclo.jpg

-i7bB3ewuYs.jpg

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.