Сылне пайрем Ӱярня (муро)

Вход на сайт

Ӱярня нерген калык муро.

Yjarnja_Arslan3.jpg

Сылне пайрем Ӱярня
Шуйна ынде ик арня.
Кушташ мураш ик арня
Толын ынде Ӱярня.

Ваштарла шӱдырет, кӱляшла кӱнчылат,
Шӱдырен шинчымет вел(е) шуэш.
Йӱашат ямде, кочкашат ямде,
Муралтен колтымет веле шуэш.

Кугу пӱнчын йымалныже
Ой, луй модеш, луй модеш.
Ӱян-мӱян ӱярняште
Ой, луй модеш, вӱр модеш.

Муралтен колтена - йӱкна яндар,
Эре мурымына вел шуэш.
Ончалал колтена - родына сае,
Эре толмына веле шуэш.

Ой, Ӱярня, Ӱярня,
Уэш пӧртыл сай арня.
Ужатена ойгырен,
Келгын гына шӱлалтен.

Шошо шуэш - лум шула,
Ото нереш лум кодеш.
Ой, мо кодеш, мо кодеш?
Йӱмына-кочмына веле кодеш.

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.