Республикысе марий тӱвыра рӱдер

Вход на сайт

«Самырык-влакын культурный канышышт» темылан ӱчашклуб

Mari

19 мартыште 13 шагатлан Марий кугыжаныш университетын конференц-залыштыже (1-ше №-ан у корпус, 216-шо каб.) Ӱчашклубын черетан вашлиймашыже лиеш. Ты гана «Самырык-влакын культурный канышышт» теме дене каҥашат. Мероприятийым Республикысе марий тӱвыра рӱдер ден Россий Федерацийысе финн-угор университет-влакын студент ден аспирантыштын ассоциацийышт пырля эртарат.

Шошо кумылан сылне концертыш мийышна

Mari

15 мартыште Йошкар-Олаште кок марий эстраде мурызын - Марий Элын сулло артистше Зоя Берникова ден Республикысе марий тӱвыра рӱдерын пашаеҥже Лариса Сидоркинан – «Ӱмыр – ялт шӱвыр» концертышт эртен.
Мурызо-влакым Марий тӱвыра рӱдерын коллективше сылне пайрем дене саламлен да пеледыш аршаш ден пӧлекым кучыктен.

«Пеледше тукым» кажне районышто уло (фото, видео)

Mari

Шошо тылзын икымше пелыштыже Марий кундем мучко йочасадыш коштшо икшыве-влак «Пеледше тукым» усталык паша конкурсышто таҥасат. Тыгай конкурс кажне районым авалта да 25 мартыште Йошкар-Оласе Йоча да самырык-влакын усталык полатышышт иктешлалтеш.

8 Мартым Геннадий Григорьев дене пырля вашлийына (фото, видео)

Mari

8 Март – Тӱнямбал ӱдырамаш кече. Тиде кечын каныме «Марий касат» шошо пайремлан пӧлеклалтеш. Тудым Республикысе марий тӱвыра рӱдер эртара. Пайрем кас 15 шагатлан Ленин лӱмеш тӱвыра полатыште тӱҥалеш.

Йошкар-Олаште Ӱярня пайрем гӱжлыш (фото, видео)

Mari

Тений Ӱярня арня 24 февраль гыч 2 март йотке шуйныш. Арня мучко мелнам кӱэштна гын, 1 да 2 мартыште Йошкар-Олаште республик кӱкшытан кугу пайремым Марий Элысе тӱвыра рӱдер калыклан пӧлеклыш. Икымше кечын Ленин лӱмеш тӱвыра полатыште Марий кас кышкарыште пайрем гӱжлыш, а вес кечын «Телерадио» компаний дене пырля Патриарший плошадьыште, модын-воштыл, куштен-мурен, телым ужатышна да шошым вашлийна.

Этнодискотекыште «Каче-влак» лийыт!

Mari

5 мартыште 20 шагатлан Ленин лӱмеш тӱвыра полаштышке (Йошкар-Ола) «Рвезылык» этнодискотеке чыландамат пагален ӱжеш! Тушто моткоч весела лиеш, вет касым кумдан палыме «Каче-влак» ансамбль сӧрастарат.

Йоча Ӱярням республик кӱкшытыштат эртараш лиеш! (фото, видео)

Mari

Шокшо да тутло мелна, йолкурык гыч веселан мунчалтымаш, мурен-куштымаш – чыла тиде Ӱярня пайрем нерген ойла. Пытартыш жапыште йӱлам тукым гыч тукымыш шарен шогымо амал дене йоча-влак денат тыгай пайрем-влакым кумдан эртарат. Мутлан, йоча Ӱярня, йоча Пеледыш пайрем…
28 февральыште Йошкар-Олаште кумшо гана йоча Ӱярня пайрем эртен. Тылеч ончыч уна-влакым кок гана 2-шо №-ан школ вашлийын гын, ынде 14-ше №-ан гимназийыште пайрем гӱжлен. Организатор-влак: Республикысе марий тӱвыра рӱдер ден Йошкар-Оласе шинчымаш кучем.

Страницы

АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.