Ынде икмынярымше ий почела марий йылме да литератур дене республик кӱкшытысӧ да регион-влак кокласе олимпиаде эрта. 2016 ий 13-14 февральыште олимпиадыш (Марий кугыжаныш университетыш) 146 тунемше чумырген. Нуно марий йылмым, сылнымутым, марий калыкын историйжым палымыштым тергеныт. Икымше кечын Марий Эл гыч ӱдыр-рвезе-влак таҥасеныт гын, кокымшо кечын сеҥыше-влак регион-влак кокласе олимпиадышке ушненыт. Чылажге Марий Эл, Свердлов, Татарстан да Пошкырт кундемла гыч 17 тунемше лийын.

2015 ий 27 ноябрьыште Йошкар-Олаште самырык автор-влаклан «Сылнымут шыже - 2015» семинар-совещаний лиеш.

1919 ий 29 ноябрьым Марий кугыжаныш драме театрын шочмо кечыжлан шотлат. Тиде кечын Тыныш Осыпын пьесыж почеш икымше гана марий спектакльым ончыктеныт.

2015 ий 5 ноябрьыште Марий Кугыжаныш университетысе книгагудын краеведений пöлкаштыже Марий Элын поэтше Геннадий Ояр (Сабанцев) дене вашлиймаш эртыш.

Виче, Коми, Магадан, Марий Эл, Мордва, Моско, Саратов, Татарстан (Озаҥ, Елабуга), тыгак Казахстан гыч тӱвыра да сымыктыш тунемме верлаште театр шинчымашым шуарыше-влак Йошкар-Олашке чумыргеныт ыле. Нуно 2015 ий октябрь кыдалнырак (12-17 октябрь) Марий Эл Республикысе И.С. Палантай лӱмеш тÿвыра да сымыктыш колледж пелен эртыше Юл кундемысе тӱвыра да сымыктыш тунемме верлан VIII тӱнямбал фестиваль-лабораторийышкышт ушнышт.

Алёна Иванова: "Мондаш огеш лий шочмо-кушмо верым, курымла дене саклен кодымо тӱвыра поянлыкнам, шкешотан йӱланам, лывырге йылмынам, родо-тукымнам, поян историйнам. Ок лий!"