Морко кундем гыч Петуховмыт ешыште мотор да шӱшпык йӱкан марий ӱдырым куштеныт. Тудо шкеже юристлан тунемеш, Морко тӱвыра полатыште методистлан пашам ышта, а муралта гын – чон куана. Ӱдырын ача-аважат мураш йӧратат. Водительлан тыршыше ачаже, Владимир Николаевич, кидышкыже гармоньым налын, ӱдыржылан сылне деч сылне сем-влакым воза. Тиде шӱшпыкын лӱмжӧ – Лилия Петухова.