17 майыште Морко район Арын ялыште Марий Эл тӱвыран сулло пашаеҥже, писатель Шулдыр Васлийым (Василий Крылов) шарныме «пайрем» эрта. Тиде вашлиймаш сылнымут мастарын шочмыжлан 60 ий теммылан пӧлеклалтын. Ила ыле гын, 4 майыште ты лӱмгечым пайремла ыле, но 2010 ий 4 августышто ӱмыржӧ кӱрылтын.

Провой кундемысе "Юлвий" ӱдырамаш клуб республикысе "Саскавий" марий ӱдырамаш ушемым унала ӱжын. 16 майыште Звенигово район Марий-Одарыште "Саскавий" вуйверын еҥже, марий амалкалче, тӱрлызӧ Ираида Степанован "Кӱсото - Святая роща" книга презентацийже эртен.

Пеледыш тылзыште могай пайрем-влак лийыт.

Марий книга савыктыш "Русско-марийский разговорник" книгам луктын. Тушко 2000 утла мут ден ой пурен. Марий йылмын фонетике, грамматике ойыртемже нерген кӱчыкын каласен кодымо. Посна теме дене диалог, изирак мутер улыт.

8 майыште Москошто Российысе келшымаш университетыште "Кандыра" куштымаш пайрем эртен. Тиде вашлиймашын ик эн оҥай татше - "Рекордым шындена" ужаш. 100 метран "Кандыра" куштымашыш тушто лийше марий еҥ-влак, "Радость" куштышо йоча ансамбль, РУДН-ын студентше-влак, Кугу Ачамланде сарын ветеранже-шамыч ушненыт.

6 октябрьыште марий классик Сергей Григорьевич Чавайнын шочмыжлан 125 ий темеш. Писатель 1888 ий 6 октябрьыште Морко район Изи Корамас ялыште шочын, тудым 1937 ий 11 ноябрьыште лӱен пуштыныт. Марий сылнымут мастар моткоч шуко да тӱрлӧ сынан произведенийым возен коден. Ик эн палымыже - "Ото" почеламут.. Тыгак - "Элнет" роман, "Мӱкш отар", "Акпатыр" драме-влак да молат. Тений Марий Элыште ятыр мероприятий ты лӱмгечылан пӧлеклалтын.

25-26 майыште Санкт-Петербургышто кугу пайрем лиеш - олан 310 ияш лӱмгечыжым палемдат. Тунам ятыр мероприятий эрта. Тушко верысе "Ош кече" Марий национально-культурный автономият ушна.

10 майыште у марий кином ыштымаште участвоватлыше еҥ-влак кином войзаш палемдыме вер-шӧрым ончал савырнышт. Тиде вер - Кужеҥер вел сола кундемыште, вес семынже, Йывансола – Купсола – Кораксола - Регеж ял-влакым авалтыме тураште.

"Мый марла ойлем" акций ынде икмыняр ий почела шошым, тӱҥ шотышто, Йошкар-Олаште эрта. Но тудым моло вереат эртарат. Ик пагалыме еҥ каласыме семын, "Мый марла ойлем" - тиде кугу толкын. Тудым ий мучко йӧн да амал лекме годым эре ыштыман. Да тушко чыла кумылан-влак, амалкалче-шамыч ушнен кертыт, кеч-могай кевытыште, тӧнежыште да моло вереат тидым эртараш лиеш.

Надежда Тимофеева – марий эстрадыште у лӱм. Шукерте огыл самырык мурызо «Чукаем-шамычлан» икымше мурыж дене калык ончыко лектын да шукыштлан вигак келшен шинчын.