2017 ий 2 апрельыште Шкетан театрыште вучена! Поснак Торъял кундемыште шочын кушшо да кызыт тӱрлӧ верлаште илыше-влакым! Тиде кече тыланда у вашлиймашым пӧлекла. Йоча годсо, пырля тунемше йолташдам, пошкудыдам ужаш шонеда гын, тугеже 14 шагатлан театрыште вучена. У Торъял землячестве кинде-шинчал да шке мурсийже дене тендам вашлияш ямде!

2017 ий 19 мартыште Шкетан театрын артистше-влак Маргарита Медикова, Олег Кузьминых, Людмила Казанцева, Сергей Данилов да театрын творческий группыжо Татарстан кундем Буинск олашке тарванат.

У Торъял район Тошто Торъялын шочшыжо, уста артистке, ший йӱкан шӱшпык гай мурызо Майя Романова ила гын, 2017 ий 23 мартыште 90 ийым тема ыле. Тудын шочмо кечынже, 14 шагатлан, артисткын илыме пӧртыштыжӧ (Йошкар-Ола, Волков урем, 166) шарнымаш оҥам почыт. Журналист, мурызо, артист-влакым да кӧ тудым шарна, пагален ӱжына.

Шуко илалше кова-коча, пенсийыш лекмек, шкаланышт у сомылым кычалаш тÿҥалыт. Кő спорт дене кылым куча, кő мураш да кушташ тарана, кудыжо уныка дене шинча. А вот Татарстан кундем Агрыз районышто илыше ака-шÿжар Елизавета Иванова да Валентина Михайлова ончычсо, йоча годсо пагытыште тунемме пашам шарналтышт - тÿрым пеш тÿрлат.

Идалыклан ик гана толеш эн сылне пайрем – Ӱдырамаш-влакын кечышт! А могай пайрем пӧлек деч посна? Меат тыланда пӧлекым ямдыленна.

Сылне шошо лишемеш. Тыгак шошын ик эн мотор пайремже мемнан деке вашка. Тений (2017 ийыште) 8 мартым пайремлаш «Саскавий» марий ÿдырамаш ушем Марий Сийгудыш (Йошкар-Ола, Подольский курсант-влак ур., 5) ÿжеш.

2017 ий 16 мартыште 18 шагатлан М.Шкетан лӱмеш театрышке у спектакльыш ӱжына!

Мемнан пашаеҥна-влак тӱвыра аланыште тыршат гынат, спорт дене пеҥгыде кылым кучат. Кажне ийын Российысе тӱвыра пашаеҥ-влакын профушемыштын Марий Элысе пӧлкаже ече дене таҥасымашым эртара. Черетан соревнований 2017 ий 25 февральыште лийын.

2017 ий 24 февральыште Шкетан театрыште вучена! Поснак Морко кундемыште шочын кушшо да кызыт тӱрлӧ верыште илыше марий-влакым! Тиде кече тыланда у вашлиймашым пӧлекла. Йоча годсо, пырля тунемше йолташдам, пошкудыдам ужаш шонеда гын, тугеже 17 шагатлан театрыште вучена. Морко землячестве шке мурсийже дене тендам вашлияш ямде!

Сылне пайрем кечын, 2017 ий 14 февральыште, «Саскавий» марий ÿдырамаш ушем иктешлыше конференцийым эртарыш. Чолга, чулым, мастар, мотор деч мотор да пашаче-влак мер ушемын 2016 ийысе пашажым иктешлышт да 2017 ийлан паша радамым пеҥгыдемдышт.