Шыже кумалтыш радам у тылзе дене, у кинде дене, у вольык дене, лачак пасу паша пытымеке, тӱҥалеш. Ашнен лукмо кайыкым, вольыкым Юмылан пуэн кумалыт. Тачысе кечылан тауштен, ончыкылан тичмаш пиалым, тазалыкым йодын сӧрвалат...

Google Tilt Brush программын йöнжö моткоч кумда. Сÿретлымаш у тÿс да моткоч шуко йöн дене пойдаралтеш. Ушышто да тÿня кумдыкышто модель шочеш. Тыгай сÿретлыме верыште куштылгын ик верым весе дене вашталташ, объектым тÿрлö ончалтыш дене войзаш лиеш. Тыгай вучыдымо оҥай технологийым пÿтынь Российысе «Таврида-2017» туныктыш форумышто Йошкар-Ола гыч самырык сÿретче да туныктышо Анна Санникова ончыктен.

7 августышто Москвина Антонина Степановна 80 ияш лÿмгечыжым палемда.

2017 ий 4-10 июль. Марий Эл Килемар район Церкысола (Арда) села. Ӱдыр-рвезе-влак жапым пайдан эртареныт: шуко уым пален налыныт, ятыр шонымаш шочын, мутат уке у йолташ-влакым муыныт, да тӱвыра программат нуным шуарен.

Илыш шÿртö мундыра семын пöрдеш. Южгунам тудо пÿтырналтеш, товаҥеш, а пышкемалтше кылдышым рудаш йöсö... Пÿрымашат айдемылан тÿрлö пöрдемым ямдыла, нуным сеҥен, тöр корныш лекташ кöргö вий кÿлеш. Йошкар-Оласе режиссёр Надежда Степанован «Я умею вязать» лÿман киносÿретше тидын нерген. Тÿҥ геройжо Таня шке илышыжым рончаш тöча. Киносÿретын премьер ончымашыже Йошкар-Оласе «Октябрь» кинотеатрыште эртен.

Кок арня жапыште йот элласе студент-влак марий йылмын сылнылыкше да калыкнан тÿвыра поянлыкше дене палыме лийыныт. Нуно марий йылмым интенсив манме программе почеш тунемыныт, оҥай экскурсийыш миен коштыныт, шке шотан чолга еҥ-влак дене вашлийыныт. Тунемме жап писын эртен, пашам иктешлыме жапат толын шуын. Марий йылме кеҥежымсе школын студентше-влак йылме палымым ончыктышо сертификатым кидыш куанен налыныт, сай, поро, кумылым нöлтышö, умбакыжат марий йылмым шымлаш таратыше мут-влакым колыштыныт. Ынде чыла тидым уна-влак пеленышт шочмо кундемышкышт наҥгаят. Каласен кодыман, тений студент-влак мÿндыр Японий, Финляндий, Венгрий элла да Моско ола гыч лийыныт.

Кызыт школышто йоча-влаклан муро уке, маныт. А Евгений Волковын 1-ше класслан – «Кушто А букваже?» (В. Сапаевын мутшылан), 11-ше класслан – «Школьный вальс» (А. Волковын мутшылан), У ийлан – «Теле муро» (В. Бояринован мутшылан), «У ий» (А. Волковын мутшылан). «Шошыжат чевержат», «Шырчык толын» - шошо пайремлан. «Кеҥеж жап» - кеҥеж каникуллан. 12 апрельлан – «Спутник чоҥешта». Спортсмен-влаклан – «Физкультурник улына». 16 муро школышто йоҥгалт кертеш, но ок йоҥгалт. Патриот тематикылан возымо марла муро ок йоҥго. Рушла мурена, але кусарен толашена. А ямде возымо öрдыжыштö кодеш...

Марий Эл Республикын тÿрлö верыштыже тÿрлö пайремым палемдат. Теве Кужэҥер район Йӱледӱр кундемыште йӱла почеш Петро пайрем палыме. 12 июльышто лиеш. Тиде пагытыштак Морко район Шорыньжа велне Сӱрем кумалтыш эрта.

Кугезе тукымна моткоч ушан да мудреч лийын. Теве кеҥежым пакчаште шÿкшудо чоным витарен гын, вигак сÿаным ыштеныт! Да-да, шÿкшыдым иктаж коремлакыш марлан пуэныт.

Поро Ош Кугу Юмо, Тÿнямбал Кугу Юмо, Кугу шочынава, Мер кугу юмо, Кугу пÿрышö! Таче (лÿм дене ойлыман) эрге Элым аралаш армийышке кая. Службыжо волгалт шогыжо, тыныслын да ласкан эртыже. Тÿрлö-тÿрлö мер калык коклаште, йÿла ден йÿла, йылме ден йылме, тÿс ден тÿс коклаште поро каҥашым пуэн шого.