2018 ий 18 майыште Валентин Колумб лӱмеш республикысе йоча ден самырык-влаклан книгагудышто «Колумб лудмаш» конкурс эртен.

2018 ий 27 апрельыште Йошкар-Олаште Марий талешке кечылан пöлеклалтше «Лÿмдам шарнена – кугешнен лудына!» сылнымут флешмоб лийын. Мероприятийым эртарыше-влак, «Саскавий» марий ÿдырамаш ушем, Марий тÿвыра рÿдер, тудын кумдыкшым эшеат шарен колтеныт: марий калыкнан куд талешкыже, куд уста писательже ден поэтше-влакын памятникышт да шарнымаш оҥашт воктене сылнымут пайремым ямдыленыт.

Марий Талешке кечын, 2018 ий 26 апрельыште, Эстонийышке Башкортостан гыч «Танып тӱр сем» ансамбль толеш.

22 мартыште Шоҥшо ий Тÿе идалыкым вашталта. Тиде кечым Марий У ий семын палемдат.

2018 ий 21 да 26 апрельыште Эстонийыште марий кинорежиссёр Алексей Алексеевын «Чоныштем мурсескем» лӱман киножо икымше гана ончыкталтеш. Икымше кечын кином 53-шо эстон кинофестивальыште да вес кечынже Таллиннысе Артис кинотеатрыште ончаш лиеш.

2018 ий 24 февральыште Татарстан кундем Буймо селаште Шочмо Элым аралыше-влакын пайремыштлан пöлеклатше волейбол турнир эртыш. Таҥасымаш ты поселений вуйлатышын призше лÿмеш лие. А тиде кечын тале, виян марий рвезе-влакым иктыш чумыраш Буймо школ вуйлатыше Эдуард Михайлов да чолга пöръеҥ Максим Макаров шонен пыштеныт.

«Марий Эл ТВ». «Шинчаваш» передачын унаже-влак - «Саскавий» ÿдырамаш ушемын еҥже-влак Людмила Кошкина и Галина Ширяева.

Самырык этножурналист-влак «Кугарня» газет редакцийыш унала миен коштыныт. Нунылан посна экскурсийым газетын тÿҥ редакторже Эдуард Иманаев эртарен.

12 февральыште Коҥга пайрем (Коҥга пазар пайрем) палемдалтеш.

2018 ий 27 январьыште Марий Эл Волжский районышто «Портышкем пайрем» эрташ тӱҥалеш. Карай школышто эртыше мероприятийыш «Кугарня» да моло марий газет, журнал редакций пашаеҥ-влак ушнат - Волжский кундемыште илыше лудшышт-влак да район вуйлатыше-влак дене вашлиймаш лиеш.