«Ший кандра» пунаш 20 наре ансамбль чумырген (фото, видео)

Вход на сайт

16 августышто Пошкырт кундем Калтаса селаште «Ший кандра» («Серебряная веревочка») район пайрем эртыш.

Кумдан палыме марий «кандра пунымашым» кушташ вич кундем гыч толыныт. Пошкырт (Краснокам, Мишкан, Шаран, Янаул р-н, Уфа ола), Марий Эл, Одо (Грах ден Каракулин р-н), Татарстан (Агрыз р-н), Ханты-Мансийск гыч лийыныт. 20 наре марий фольклор ансамбль усталыкшым ончыктен.

Пайрем дене саламленыт пагалыме уна-влак: Пошкырт кундемысе тÿвыра министрын икымше алмаштышыже Валентина Латыпова, Марий Элысе тÿвыра министрын алмаштыже Галина Ширяева, РФ Кугыжаныш Думын депутатше Лариса Яковлева, Пошкырт кундемысе финн-угор калык-влак ассоциацийым вуйлатыше Юлия Герасимова, ты республикысе Калык-влак келшымаш пöртым вуйлатыше Азат Ибрагимов, Татарстан, Одо да Пошкырт кундемласе марий калык автономий-влакын еҥышт.

ecREr6obdj8.jpg

Пошкырт ÿстел, юрта дене палыме лиймеке, из гыч тÿҥалын кугу еҥ марте сценыш лектын шке мастарлыкыштым ончыктеныт. Конкурсын йодмашыж почеш, коллективыште 20 еҥ деч шуко лийшаш огыл, «тывырдыкым» куштыман, тыгодымак костюмын моторлыкшым онченыт.

Тыге гран-прим Сазово ял гыч коллектив сеҥен, икымше верыш Какушевский, Воселовский да Бабаевский коллектив-влак лектыныт. Кокымшо верыште - Калмиябаш да Калмаш ял-влак, 3 верыште - Старояш, Большойкуразово, Новокильбахтино ял-влак.

Конкурс деч вара чыланат «кандрам пунаш» пижыныт.

Мутат уке, организатор-влаклан кугу таум каласыме шуэш. Тыге тÿрлö кундем гыч толшо-влак икте-весына дене палыме лийына, ваш-ваш шуко сайлан тунемына. Эн тÿҥжö, калыкнан йÿлажым арален, умбакыже шуена.

Ушештарена, «Ший кандра» фестиваль Калтаса кундемыште кумшо гана эртен. Ик гана Мишкан селаште лийын. 2013 ийыште 2300 метран куштымаш дене Гинессын рекорд книгашкыже пурен.

Автор: Анастасия Галиева, Самырык этножурналист школын еҥже.

_FCVqiuNOqo.jpg

3WDb8x--V2I.jpg

HbVaM8DDlf4.jpg

XYX0qZ2-Lck.jpg

Zqx_Ydaho0o.jpg

WImCCUUBixw.jpg

rRuGPU65r3Y.jpg

http://mishkan.ru/video/shiy%20kandra%202012/shiy_kandra_2012.php

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.