Марий Оньыжа 92 ияш депутатым саламлен

Вход на сайт

14 январьыште Марий Оньыжа, Марий Эл Кугыжаныш Погын вуйлатышын алмаштышыже Анатолий Иванов Марий АССР Верховный Совет председатель алмаштыше, паша ветеран, Октябрь Революций да Паша Йошкар Знамя орден-влакын кавалерже Татьяна Павловна Смирнова дене вашлийын.

Анатолий Николаевич республикысе кугыжаныш кучемын кӱшыл законодательный органже лӱм дене чолга ӱдырамашым 92 ияш шочмо кечыж дене саламлен, кужу ӱмырым, тазалыкым тыланен да уло кумылын йошкар роза аршашым кучыктен.

Тунамак Анатолий Иванов Татьяна Смирнован Марий АССР Верховный Советысе пашаж нерген каласкалыше «Марий Эл» ГТРК-н радиошкыжо передачым возымаште участвоватлен. Радиопередачым Геннадий Сабанцев вӱда. Тудым 15 январьыште 13 шагатат 20 минутлан колышташ лиеш.

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.