Тӱҥ онаеҥ У ий дене саламла

Вход на сайт

Марий Эл Республикын тӱҥ онаеҥже Александр Таныгинын У идалык дене саламла.

IMG_0042--_1.jpg

- О Порын толын шого, У идалык!

Ош Сандалык Юмына, Ужар шаган кож дене тичмаш кинде шинчалет дене эртен кайыше идалыклан тыныс, ласка илышым пуыметлан ме порын вуйнам савена.

О поро дене толын шого Пӱрышына, Мер Кугу Юмына! Пуэн шогыза йӱла ден йӱла, тӱс ден тӱс, йылме ден йылме коклаште мыланна поро пӱрымашым, аралтышым, серлагышым, каҥашым.

Иза-шольо, ака-шӱжар, тулар-тулаче-шамыч пӱртӱс лоҥгаште еш кышкарда тӱланен, тичмашын шогыжо, сурт-печыда уэмдалт нӧлталтше, ӱстембал чесда эре пургыжалтын, вольык йӱк-йӱанже чондам куандарен шогышт. Мӱкшотарда шем пыл гай нӧлталтын, мӱй клатда саска пуш дене ӱпшалтын шогышт. Куанен, кече гай ырыктен, аралтыш-серлагыш дене илыза. У ий дене! У вий дене! Эсен, тазан шогыза!

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.