Российысе марий форум почылтын

Вход на сайт

1 ноябрьыште Морко посёлкышто Мер Каҥашыже шыже сессийже – Российысе марий форум почылтын. Чылаже 170 наре еҥ Марий Элын тӱрлӧ районжо, Башкортостан, Киров, Татарстан, Пермь, Тюмень, Ленинград, Свердловск, Удмурт кундемла чумыргеныт. Тыгак пырляшке Морко район гыч мер кучем, школ, тӱвыра пашаеҥ-влак ушненыт.

Форумын еҥже ден унаже-влакым Марий Эл тӱвыра, печать да калык-влак паша шотышто министрын алмаштышыже Галина Ширяева, Морко район да Район депутат собранийым вуйлатыше Светлана Иванова саламленыт.

Тиде кечын Российысе финн-угор калык-влакын V Погыныштын лектышыже дене кылдалтше мер каҥашымаш эртен. Марий калыкын финн-угор тӱняште верже нерген Валерий Мочаев докладыштыже ойлен. Тудо палемден: финн-угор калык моткоч тошто калык, сандене южо у паша шотышто вияҥаш нелырак. Марий калык чот шот дене 2010 перепись почеш Российысе финн-угор калык коклаште кумшо верыште шога. Ончылно - мордва ден одо. Марийын тӱвыраже, мер илышыже вияҥыт, но ятыр историй йодыш вараш кодеш - шымлызе-влак тачат каласен огыт керт марий калыкын ийготшым.

Мер каҥашымаш годым ятыр темлымаш пурыш.Мутлан, марий йылме дене электрон учебник-влакым писынрак лукташ; школ программыш марий йылме дене ЕГЭм пурташ; верысе минобразованийыш марий йылмым туныктышо-влакым шуарыше курсым ышташ темлымаш дене лекташ; Мер Каҥашын еҥже-влаклан яллашкетӱшкан лектын кошташ, марий газет-влакымат шаркалаш полшаш.

Тиддеч вара Мер Каҥаш активын идалыкаш погынымашыже-влакым эртарыме шотышто "йыргешке ӱстел" эртыш. Чаманаш логалеш, Мер Каҥаш самырык-влакын "шокшо пӱкенышт" ышт лий - ӱдыр-рвезе-влак шагал погыненыт.

Марий форумыш погынышо-влаклан, кӱжгӧ паша деч вара, Морко районысо коллектив-влак концертым шындышт. Тудо Марий Элын кечыжлан пӧлеклалте. Тунам шке мастарлыкышт дене йочасадыш коштшо икшыве-влакат куандарышт.

Пайремыште тӱрлӧ кундемыште илыше марийын ойыртемжым ужна. Тыгодым куштымашат, мурымашат лийыч, ялысе хор выступатлыш.

Концерт деч вара Форумыш чумыргышо-влак Марий касыште капыштым лывыртышт. Касым чолга еҥ-влак Наташа Пушкина ден Эдуард Александров вӱдышт. Тыштат марийын койышыжо раш почылто.

Форумын пашаже эрла шуйна.

Автор: Эльвира Куклина.

IMG_0136-.jpg

IMG_0066-_2.jpg

IMG_0070-.jpg

IMG_0071-.jpg

IMG_0073-_0.jpg

IMG_0077-.jpg

IMG_0080-.jpg

IMG_0083-.jpg

IMG_0085-_0.jpg

IMG_0087-_0.jpg

IMG_0096-.jpg

IMG_0098-.jpg

IMG_0107-.jpg

IMG_0109-_1.jpg

IMG_0110-.jpg

IMG_0113-.jpg

IMG_0115-.jpg

IMG_0116-.jpg

IMG_0118-.jpg

IMG_0119-_0.jpg

IMG_0127-.jpg

IMG_0129-.jpg

IMG_0134-.jpg

IMG_0135-.jpg

IMG_0139-.jpg

IMG_0141-.jpg

IMG_0143-.jpg

IMG_0154-.jpg

IMG_0156-.jpg

IMG_0159-.jpg

IMG_0166-_0.jpg

IMG_0171-_0.jpg

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.