2019 ий 9 февральыште (шуматкече) «ИНТЕЛЛЕКТУАЛ» тÿвыра-увер рÿдерыште (Йошкар-Ола, Йошкар Армий урем, 41-ше пöрт, 407-ше ден 408-ше пöлем) «Марий тÿрым пидына» мастар-класс эрта. Тудым мастар еҥ Евгения Кошкина вÿда. Вашлиймаш 11.00 шагатлан тÿҥалеш.

ШОТЫШ НАЛЗА! Мастар-класс годым Евгения Кошкинан сылне пашаж дене лишкырак палыме лияш йöн уло. Келшыше вургемым, арверым налашат лиеш.

А марий тÿрым пидаш лиеш мо, йодыда? Да, тÿрлем (орнамент) дене кеч-могай вургемымат пидын сöрастараш лиеш. Тидымак Евгения пеҥгыдемда. Тудо шкеже мом гына ыштен ок мошто!? Пидеш, урга, тÿрла, сöрастарыме арверым ышта… Чыла пашажат марий сын дене ойыртемалтеш.

Евгения Кошкина изинек кидпашалан шÿман кушкын, вет тудын коважат, аважат, кокажат, шÿжаржат мастар улыт. Пытартыш жапыште Евгения ятыр конкурсышто шкежым терген, эре гаяк сеҥышыш лектын, тÿрлö семын палемдалтын. Теве, мутлан, Италийыште «Дизайнер одежды» номинацийыште кумшо верым сулен. Пашаже-влак Флоренцийысе Сымыктыш да дизайн академийыште вераҥдалтыныт. А шукерте огыл «Этно-Эрато» Евразийысе национальный костюм конкурсышто Евразийын 10 эн сай этно-модельер радамышкыже логалын. Тушто тудо «Марий сем» коллекций дене ойыртемалтын, лачак пидме вургем-влак лийыныт.

«Этно-Эрато» конкурсышто жюриште улшо еҥ-влак Евгениян пашажым öрын да моткоч тÿткын шымленыт. «Да, кузе тидым ик еҥ да шке кид дене ыштен кертеш» манын йырымалтеныт. Тыгайже тушто лийынат огыл, чылан гаяк посна дизайнер институт гыч толыныт. А конкурс чот терген! Шым эл, Российын 50 регионжо гыч мастар-влак чумыргеныт. Ятырын йÿдвел гыч толыныт, а нунын чиемышт, шкеат паледа, пеш чевер!

Туге гынат мемнан марий ÿдырна Евгения Кошкина эн чапле, эн тале, эн мастар! Тудын дене мутланаш мастар-классыш толза! Шке мастарлыкшым, моштымашыжым тыландат почаш да пуаш ямде! Кузе ойлат, налаш гына ит öркане!

******************************************************************
Мастар-класс ныл шагат шуйна. Ак: 700 теҥге.
Пелен 3,5 №-ан спицым кондыман.

Тел. 8-999-145-38-76
Эл. почта: kuklina-10@mail.ru
https://vk.com/kyanradost
мариарслан.рф

#МариАрслан #РесурсныйЦентр #ИНТЕЛЛЕКТУАЛ #НКО #МарийЭл #Мари
#ИлышКуан_РадостьЖизни #ЦентрРазвитияГармонии #Саскавий

• Мероприятия Ресурсного Центра
• РЕСУРСНЫЙ ЦЕНТР РАЗВИТИЯ МЕЖНАЦИОНАЛЬНЫХ ОТНОШЕНИЙ
  И ПОДДЕРЖКИ ГРАЖДАНСКОГО ОБЩЕСТВА

• Кидмастар - Мастер на все руки