Лач тыгай лӱман вашлиймашым Марий Кугыжаныш университетыште 1-ше курсышто тунемше магистрант-влак эртыш. А мо нерген тудо? Мом тушто ыштеныт? Мутат уке, студент илыш нерген!

Студент илыш пеш оҥай да весела пагыт. Тудым кӱлеш семын гына илен моштыман, чыла вере шуктыман, шке чолгалыкым вожылде ончыктыман. Кӧ почеламутым воза – возыман, кӧ куршта – умбакыже тыршыман, а кӧ мура –мутат уке, умбакыже йоҥгалтарыман.

Надежда Эманын (Васильева-Моисеева) студент пагытыште возымо ик почеламутшым Алина Макарова каласкален пуыш Сессий нерген Татьяна Лапинан серымыжым Светлана Терентьева лудо. Нине кок авторат студент пагытышт годым «Поэзий шепкаште» сылнымут куржокыш коштыныт, а таче палыме самырык писатель улыт.

Вашлиймаш годым Марий Эл Республикысе тӱвыран сулло пашаеҥже Влад Николаевын, Полина Савельеван да бард Геннадий Куклинын мурыштымат колыштна. Полина ден Геннадий коктынат «У муро» авторский клубын еҥже улыт.

Туныктышо-влак: Лидия Матросова, Людмила Барцева тунемше-влаклан поро гына тыланымашым каласен кодышт. Чын ойлат, тунемме тиде икте, а чолгалык чыла вере лийшаш.

Вара мом ойлынешт ыле иза-акана-влак? Лач иктым веле: чолга лийза, шкендам шуарыза, нимо деч ида вожыл, ида лӱд. Чонланда мо лишыл, куш чон шупшеш, тушто кайыза!

Автор: Вероника Мустаева.
Фото Валентина Петрован.
#МариАрслан #театр #спектакль #культура
#искусство #сцена #артист #йошкарола #МарийЭл

• Интересные мероприятия. Прими участие и ТЫ!
• Конкурсы, викторины... Участвуй - ВЫИГРЫВАЙ!

• Сылнымут
• У ТУКЫМ
• МОЛОДОЕ ПОКОЛЕНИЕ

• Тӱвыра увер
• Новости культуры
• Афиша