2 сорла - Ильин кече.

3 сорла - Шнуй Акпатырлан да Полтыш онлан вуй савыме кече.

14 сорла - Мӱкш илян кече (мӱкш ешын мӱйым поген шуктымымыжым ончыкта).

Марий калык мӱкшым акрет годсекак ончен ила, тудым поро кумыл дене шке ешыже семын арален ашна. Мӱкш ешлан суртымат чоҥен пуа, пукша, йытырая. Мӱкшым юмын кайык манеш. Тудын нерген мурымат мура.
Мӱкш ончымаштат, вольык ашнымаштат, сурт, пакчакӧргӧ кучымаштат аралтышым, перкем, серлагышым йодыт. Сай лектеш лийме годым, тауштен, Юмым пелештат. Тидын нерген Ираида Степанова "Кӱсото. Святая роща" книгаштыже воза - http://mari-arslan.ru/node/42.

19 сорла - Саска илян кече (олма, вишня да груша кӱын шуыт).

20 сорла - Кинде илян кече (шурно парчан амбарышке пурен вочмыжым ончыкта).