"Ший мундыра" книга нерген

Вход на сайт

2013 ийыште Марий Эл Республикысе марий юмыйӱлан рӱдӧ юмыйӱла ушемже Тӱҥ онаеҥ Александр Таныгинын «Ший мундыра» книгажым савыктен луктын. Тудо марий калыкнан эртыме корныжо, шнуйжо, онжо да онаенже-влак нерген.

IMG_1154.jpg

Книган ончылмутыштыжо возымо: Шочмо калыкнан тӱняумылымашыже, тӱвыраже, йӱлаже, эртыме корныж нерген шинчымаш уш гыч ушышко куснен аралат толын. Ача эргыжлан, коча-кова уныкажлан ойлымо дене Сандалык, Мланде, Пӱртӱс, акретсе илыш нерген умылымаш курым гыч курымыш шергинде семын кучылталтын. Тыгодым ала-кудо илыш сӱретше ошма пырчыла йомын, ала-кудыжо утыр вияҥын да тачысе кече марте калыкнан уш-акылжым, кӧргӧ чон шӱлышыжым волгалтара. Тиде книгаште шке палымыжым Марий юмыйӱла ушемым вуйлатыше, Тӱҥ онаеҥ Александр Таныгин каласкала.

Автор историй фактын чын але шоя улмыж нерген огеш ӱчаше. Мунло айдемын каласкалымаштыже ала-можым туштен, шылтен ойлымо, ала-можым каласен шуктымо огыл гын, нелеш ида нал манын, лудшым йодеш. «Кажне айдемын шке ончалтышыже, шке умылымашыже лийшаш», - манеш Александр Иванович да калыкын ойжо дене шӱдырымӧ шинчымаш шӱртым ший мундырашке пӱтыра».

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.