Шыжын икымше кечынже пӱртӱс мемнам шöртньö лышташыж дене куандара гын, школ йыҥгыр сылне йӱкшö дене кумылаҥда. Тиде пагыт гыч у тунемме ий тӱҥалеш. Кö школ парт коклаш икымше гана шинчеш, кö, университетышке, моло тунемме верлашке омсам почын, студент радамыш ушна. Икымше сентябрь ӱдыр-рвезе-влаклан эше ик у ошкыл лиеш. Тыге у тунемме ий тӱҥалеш, у шинчымашым налаш да у йолташ-влакым муаш йöн лектеш.

Пагалыме йолташ-влак, тендам «Арслан» этнокультур интернет-журнал шокшын саламла. Мутат уке, сай отметке-влакым тыланена, но эн тÿҥжö шинчымашым налаш тыршыза. Спорт дене кылым кучыза, эреак да чыла вере чолга лийза, мастарлыкдам ида шылте. Вет те ончыкылык ÿшан улыда.

Шергакан туныктышо-влак, тиде тенданат пайрем! Тунемме ийыште пашада ушнен толжо. У деч у лектышым тыланена.

Шинчымаш кече дене!

«Арслан» этнокультур интернет-журналын пашаче коллективше.
Хэштег: #мариарслан #дети #1сентября #ДеньЗнаний #афиша #пайрем

• 1 сентября в Йошкар-Оле (ПРОГРАММА ПРАЗДНИКА)

• Театр-центр поздравляет с Днём знаний

• Новости культуры
• Афиша