Шокшо салам Саранск гыч!

Вход на сайт

Марий Кугыжаныш Университет Финн-угор институтын кокымшо курсшым тунем пытарыше 5 студент 1 гыч 20 июль марте кеҥежымсе финн йылме да тÿвыра курсышто шинчымашым погат. Кодшо ийын тиде курсыш мияш кумылан-влакым Йошкар-Олаш погеныт гын, тений нуным Саранск ола вашлийын. Тышке Марий Эл, Коми, Удмурт, Мордва кундемла гыч 23 ÿдыр-эрге да Финляндий гыч 3 туныктышо погыненыт. Нуно жапым моткоч пайдалын эртарат. Тунемме деч моло тÿрлö тÿвыра программе ойгыраш жапым огеш пу.

Тиде кечылаште курсышто тунемше-влак Мордва тоштерлаш, ий полатыш, да моло вереат миен толыныт, ола мучко экскурсийым эртеныт. Тыгак эрзя да мокша-влакын ожнысо илыш-йÿлашт дене палыме лийыныт. Кажне кечын гаяк финн, марий, удмурт, коми, мордва калык муро-влакым мурат. Эн оҥайже, очыни, туныктышо-влак дене пырля кочкышым ямдылыме лийын. Марий Эл гыч делегаций да туныктышо-влак чылан пырля олма когыльым ыштеныт да, кÿктен лукмеке, мороженый дене кочкыныт. Чыла тиде эн öрыктарыше да куандарыше лийын!

DSCF4626-_0.jpg

Симо Кантеле, Лео Яппинен да Санна Хеинонен финла кутыраш кыртмен туныктат. Кажне кечын у деч уым пален налыт, лÿдде-вожылде финла кутырат. 26 еҥ ик арняште еш гай лийын, чылан ваш-ваш умылат, полышкален шогат.

Марий Эл гыч Андрей Кошаев, Людмила Карпова, Наталья Смирнова, Елена Соловьева да Альбина Комарова шочмо кундемыштышт илыше чыла йолташышт-влаклан шокшо саламым колтат!

Автор: Людмила Карпова.

DSCF4310-.jpg

DSCF4542-.jpg

DSCF4329-.jpg

DSCF4364-.jpg

DSCF4723-_0.jpg

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.