23-24 майыште Марий кугыжаныш университет пелен «Финн-угор калык-влакын поянлыкышт» III тӱнямбал финн-угор студент форум эрта.

Тудын цельже – Российысе финно-угор субъектласе да Европо элласе студент ден аспирант-влакын финн-угроведений аланыште шуктымо шанче паша лектышыштым иктешлаш да шымлыме опыт дене палдараш йӧным ыштымаш да самырык-влак коклаште кылым пеҥгыдемдаш полшымаш.

Форумыш молодёжный политике, туныктымо паша, тӱвыра, тазалык аралтыш, социологий, историй, психологий, педагогике да моло аланыште шымлымашым эртарыше студент ден аспирант-влакым ӱжмӧ. Тыгак университетла негызеш почмо шанче-шымлыше да увер рӱдерлам вуйлатыше студент ден аспирант-влак толыт. Форумын пашашкыже Австрий, тыгак Саранск, Ижевск, Пермь, Озаҥ, Петрозаводск, Волгоград, Санкт-Петербург да моло олала гыч университетлан представительышт ушнат.
Шанче погын жапыште чылаже 7 секций пашам ышта.

«Финн-угор калык-влакын поянлыкышт» III тӱнямбал финн-угор студент форум 23 майыште 12:00 шагатлан Республикысе курчак театрыште почылтеш. Адресше – Царьградский проспект, 35-ше номеран пӧрт.

Автор: Дина Коновалова.

• II Международный финно-угорский студенческий форум
  «Богатство финно-угорских народов»

• ФИНН-УГОР ТӰНЯ

• ФИННО-УГОРСКИЙ МИР