Самырык артист ден студент-влак вашлийыныт

Вход на сайт

1919 ий 29 ноябрьым Марий кугыжаныш драме театрын шочмо кечыжлан шотлат. Тиде кечын Тыныш Осыпын пьесыж почеш икымше гана марий спектакльым ончыктеныт.

Teatr_Arslan4.jpg

Кызыт театрыште куд тукым пашам ышта. Чыланат «ик руаш гыч кÿэшталтыныт, но тÿрлö коҥгаште кÿыныт», садлан койышышт ойыртемалтеш. Теве шукерте огыл театрыш Моско гыч М.С. Щепкин лÿмеш кÿшыл театр училищым тунем пытарыште самырык артист-влак пöртылыныт. Нунын денак Мари кугыжаныш университетысе калык тÿвыра да тÿвыра кокласе кыл институтын студентше ден туныктышыжо-влак вашлийыч.

Михаил Александров, М.Прутникова, Г.Тимиряев, А.Иванов, М.Андреева, С.Александрова, А.Яруков, Марина Воронцова, Н.Алексеева да молат. Нуно Марий Элын тÿрлö районжо гыч улыт.

Тыге самырык артист-влак мыланна, студент-влаклан, икмыняр номерым моткоч усатн ончыктышт. Нуно «Калитка» романсым сылнын йоҥгалтарышт, ончаш толшо-влакын кумылыштым савырен моштышт.

«Кÿшыл театр училище Йошкар Кремль площадь воктене верланен, садлан ныл ий чынжымак оҥайын эртен кайыш, моткоч шуко шарнымашым кодыш. Ме моткоч пиалан улына»,- каласкалышт выпускник-влак.

Тылеч посна калык тÿвыра да тÿвыра кокласе кыл институтын ÿдыр-рвезыж-влаклан фехтований дене номерышт, Иван Крыловын «Кот и повар» басньым каласкалымышт пеш келшыш.
Самырык артист-влаклан пеҥгыде тазалыкым, илышыште пиалым, волгыдо кавам, усталык пашаште сеҥымашым тыланен кодына да нуным театрын сценыштыже куанен ончаш тÿҥалына.

Автор: Христина Александрова,
калык тÿвыра да тÿвыра кокласе кыл институтын 1 курс студентше.

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.