«КРАВЕЦ» форумышто кумшо кече

Вход на сайт

2015 ий 22 сÿрем «КРАВЕЦ» форумышто тÿвыра да сымыктыш кече семын увертаралте. Зарядке да эркочкыш деч вара чыланат Мороскино ялыш «Ши йыл» тоштерыш кудальыч. Тиде тоштерыште мастар-класс-влак эртышт. Анастасия Эшмякова ÿпым пунаш туныктыш, Фаина Эшмякова ансамбльже дене пырля кÿсле дене шокташ кумылаҥдыш, Акпарсын семжым шоктышт. Сергей Савельев шун гыч тÿрлö арверым ыштен ончыктыш. Сергей Алдушкин ÿдыр-рвезе-влак ончылнак сÿретым возыш. Тамара Петрова тÿрлымаш дене мастар-классым эртарыш.

kravez_arslan3.jpg

Эмäнсола школыш пöртылмеке, Курыкмарий район да М.Шкетан лÿмеш Марий кугыжаныш драме театрын актёржо-влак дене вашлиймаш лие. Ольга Искоскина Курыкмарий театрын эртыме корныжо да кызытсе пашаж дене палдарыш. Марий Элын сулло артистше Сергей Данилов ден артистка Марина Почтенева калык семÿзгар дене палымым ыштышт, шокташат туныктышт. Вара чылан пырля мурым йоҥгалтарышт.

Эше ик вучыдымо мероприятий - Курыкмарий театрын «Кыткы сÿäн» спектакльже. «КРАВЕЦын» участникше-влак тÿрлö кундемла гыч да тӱрлö йылман улыт гынат, постановкын тÿҥ шонымашыжым умылен моштышт.

kravez_arslan10.jpg

Кастене Кугу Ачамланде сарыште сеҥымылан 70 ий теме лӱмеш акций лие. Ӱдыр-рвезе-влак ялысе обелиск деке рӱж мийышт да, сортам чÿктен, сареш вуйым пыштыше-влакым шып шарналтышт, шӱмым кӱрыштшö мутым ойлышт. Чылаже Эмӓнсола гыч 1219 еҥ сарыш каен,572-ын пöртылыныт. Таче вич ветеран ила, а районышто – 15.

Школыш пöртылмеке, сарлан пöлеклалтше мурым йоҥгалтарышт. Мурым мурен чарнымеке, кавашке ош шар-влакым колтышт.

Тиде кечым «изи тул» иктешлыш.

Автор: Вероника Мустаева, самырык этножурналист.

kravez_arslan2.jpg

kravez_arslan.jpg

kravez_arslan1.jpg

kravez_arslan4.jpg

kravez_arslan6.jpg

kravez_arslan7.jpg

kravez_arslan8.jpg

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.