МарГУ-н студентше-влак финн йылме дене кеҥеж курсым эртат

Вход на сайт

marsu.jpg2015 ий 1 гыч 18 июль марте Коми кундем Сыктывкар олаште финн йылме дене кеҥеж курс эрташ тӱҥалеш. Туныктышо-влак Финляндийысе Хельсинки ден Турку олала гыч толыт. Нуно магистратурышто тунемше финн студент-влак улыт.

Курсышко тӱрлö финн-угор кундем гыч студент-влак ушнат, мутлан мари, коми, мордва, одо. Марий Эл гыч МарГУ-н 1-ше ден 2-шо курслаштыже тунемше-влак каят. Тиде - Анна Васильева, Валентина Алексеева, Анастасия Васильева, Кристина Фролова, Ольга Андреева.

Курс годым студент-влак финн йылмым тунемаш тӱҥалыт, грамматикым ончал лектыт, кусырыме пашалан жапым ойырат да шуко-шуко мутланаш тыршат.

Тыгак студент-влак шке калык йӱлашт дене, калык муро, модыш, куштымаш дене ваш-ваш палымым ыштат.

Нуно Сыктывкар оласе тӱрлö тоштерыш миен толыт, тыгак республикын районлашкыже лектын коштыт, коми калык йӱла деке лишемыт.

Финн курс пеш оҥай да кӱлешан лийшаш.

Марий студент-влаклан сайын миен толаш тыланена.

Автор: Анна Васильева, Самырык этножурналист школын еҥже.

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.