iВолге - 2015: Марий Эл гыч 13 проект федерал кÿкшытыш лектын (видео)

Вход на сайт

Юл федерал кундемысе «iВолга» самырыктукым форум 2015 ий 17-27 июньышто Самара областьын Фестиваль паркыштыже эрта. Тышке Марий Эл Республике гыч 100 наре еҥ толын, 85-ше - шке проектше дене. Нунын коклаште «Самырык этножурналист школ» гычат чолга ÿдыр- влак улыт. Тиде - Анна Васильева, Вероника Мустаева, Ирина Павлова. Нуно молын семынак шке проектыштым аралат. Ӱдыр- влак «МедиаВолна» сменыште тÿрлö лекцийым колыштыт, мастар- классыште вийыштым тергат.

iVolga_Aslan41 (1).jpg

А чылажге форумышто кандаш смене пашам ышта: «Патриот»; «Политике»; «МедиаВолна»; «Культур бум»; «Поролык тукым»; «Тый - амалкалче»; «Инноваций ден технический усталык», «Шочмо вер-шöр – пашам виктараш йöн» да «Спорт молодёжь – таза калык» фитнес-смене.

«iВолга» самырыктукым форумышто пеш оҥай. Вич шагат марте самырык - влак тунемыт, тÿрлö палыме еҥ дене вашлийыт, а кастене проектым аралат. Тыгак Юл эҥер воктене канат, футбол, волейбол дене модыт, концертым ончат да молат. Икманаш, йокрокланаш жап да йöн уке.

Проект-влакым аралыме деч вара эксперт-влак иктешленыт да Марий Эл Республике гыч федерал кÿкшытыш 10 еҥ 13 проект дене лектын:
- Екатерина Цветкова, «Инноваций ден технический усталык» смене, ПГТУ, кок проект;
- Екатерина Большакова, «Инноваций ден технический усталык» смене, ПГТУ, кок проект;
- Ольга Габитова, «Инноваций ден технический усталык» смене, ПГТУ,
- Андрей Кренев, «Тый - амалкалче» смене, ПГТУ;
- Ирина Гусева, «Шочмо вер-шöр – пашам виктараш йöн» смене, МарГУ;
- Константин Арон, «Политике» смене, МарГУ, кок проект;
- Умид Мурадов, «Политике» смене, МарГУ, (тудлан Юлия Загоруй полшен);
- Константин Ашаев, «Патриот» смене, МОСИ;
- Анастасия Сибирякова, «Политике» смене, МОСИ.

Индира Тихонова «Тый - амалкалче» смене гыч федерал кÿкшытыштат проектшым арален, 85 баллым сулен.

Тÿрыс ончалмаште, Марий Эл гыч мийыше ÿдыр-рвезе-влакым организатор-шамыч моктат. Мемнан делегаций шкежым сай могыр гыч гына ончыкта, ушан да чолга улмыжым пеҥгыдемда.

Автор: Надежда Тимофеева,
«Арслан» этнокультур интернет-журналын спецкорреспондентше.

O2k72SdSW2o.jpg

iVolga_Aslan39 (2).jpg

pmN7SR9PeC4.jpg

NtofG-USTOU.jpg

iVolga_Aslan48.jpg

PEpiqsbINe0.jpg

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.