Марий калык Уфаште чолгалыкым, мастарлыкым ончыктыш

Вход на сайт

2015 ий 26-28 апрельыште Уфа олаште «Этносы и национальные меньшинства России» форум да Пошкырт кундемысе калык-влак ассамблейын III погынжо эртышт. Тушко Марий Эл гыч республикысе правительстве вуйлатышын алмаштышыже, тӱвыра, печать да калык-влакын пашашт шотышто министр Михаил Васютинын вуйлатыме делегацийже лие. Тиде - «Морко кундем» ансамбль, В.М.Васильев лӱмеш МарНИИЯЛИн пашаеҥже Гульнара Зеленеева, кидмастар Лидия Веткина, этножурналист, Республикысе марий тӱвыра рӱдерыштö пöлкам вуйлатыше Эльвира Куклина.

Погыныш Пошкырт республикыште илыше марий-влакат ушнышт. Теве Сергей Александров, Валерий Байбулатов, Павел Бикмурзин, Александр Гайсин да молат лийыч. Уфа оласе «Ош виче сем» (вуйлатыше Наталья Валишина) ансамбль ыле. Палемдыман, ты регионышто 110 утла тӱжем марий еҥ ила.

AssamblejaRB5_Arslan.jpg

Ассамблей погыным Пошкырт Республикым вуйлатыше Рустэм Хамитов торжественно почо, поро пашам тыланен, кундемысе тӱвыра министр Амина Шафикова, РФ Кугыжаныш Думо депутат Зугура Рахматуллина да молат саламлышт. Тыгодым Башкортанысе калык-влак ассамблейын пашаж нерген Ассамблей ушемым вуйлатыше Ахат Мустафин каласкалыш. А ты ушемым вуйлаташ у еҥлан - Зугура Рахматуллиналан - ӱшанышт. Пошкырт марий-влак деч Ассамблейыш Павел Бикмурзин, Регионысо «Эрвел Марий» калыкле-тӱвыра автономийым вуйлатыше, пурыш.

Тӱвыра форум кышкарыште кидмастар-влакын выставкышт эртыш. Тушто Марий Эл гыч мастар еҥ Лидия Веткина сылне деч сылне пашажым ончыктыш.

Форум «Хоровод дружбы» чапле гала-концерт дене иктешлалте. Марий Эл гыч «Морко кундем» калык вокал ансамбль (вуйлатыше Юрий Осипов) куандарыш.

Yfa2_Arslan.jpg

Форум годымак Россий кӱкшытан шанче-практик конференций эртыш. Тушто Гульнара Зеленеева «Многонациональный народ Республики Марий Эл: позитивный опыт этноконфессионального взаимодействия» докладым ыштыш.

Тӱрлö кундем гыч погынышо шымлызе, мастар еҥ, тӱвыра пашаеҥ, журналист-влак Пошырт кундемын Архангельский ден Кармаскалинский районлажым ончал савырнышт. Школышто, «Максим Горький» латыш да «Суук-Чишма» чуваш историй-тӱвыра рӱдерлаште уна лийыч. Тыштат нунылан калык усталык дене кылдалтше мастар-класс ден тӱрлö калыкым ушышо концерт пöлеклалтыч.

AssamblejaRB10_Arslan.jpg

Форумын пашаштыже чолгалыкым ончыктымылан Лидия Веткинам да «Морко кундем» ансамбльым диплом дене палемдышт.

Автор: Эльвира Куклина.

AssamblejaRB_Arslan.jpg

AssamblejaRB1_Arslan.jpg

AssamblejaRB2_Arslan.jpg

AssamblejaRB3_Arslan.jpg

AssamblejaRB4_Arslan.jpg

AssamblejaRB6_Arslan.jpg

AssamblejaRB7_Arslan.jpg

AssamblejaRB8_Arslan.jpg

AssamblejaRB9_Arslan.jpg

AssamblejaRB11_Arslan.jpg

Yfa_Arslan.jpg

Yfa1_Arslan.jpg

Yfa3_Arslan.jpg

Назад на первую страницу>>>

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.