Йӱлашке пурышо акций умбакыжат вияҥшаш! (фото, видео)

Вход на сайт

2015 ий вӱдшор тылзын 29 кечынже Йошкар-Оласе Чарла кремыльыште «Мый марла ойлем» республикысе акций почылто. Тыгай акций ынде шымше ий почыла эрта, ты гана ик тылзе шуйна. Да тудо марла лекше икымше газетын 100 ияш лӱмгечыжлан пӧлеклалтеш.

Акцийын тӱҥ шонымашыже - шочмо йылмым, калыкын культурыжым арален кодаш да тудым умбакыже вияҥдаш. Тиде пашашке самырыктукымым утларак ушен шогаш. Вет акцийым ӱдыр-рвезе-влак шкеак ямдылаш да эртараш полшат. Нуно йырышт тыгаяк шонымашан еҥ-влакым чумыраш тыршат.

«Мый марла ойлем» пайрем дене Марий Эл Республикысе Кугыжаныш Погын вуйлатыш алмаштышын полышкалышыже Александр Петров ден Республикысе марий тӱвыра рӱдерым вуйлатыше Валерий Григорьев саламлышт.

Кажне ийын тиде акций у сыным налеш. Тений «Тыште марла кутыраш лиеш» наклейкым ыштыме. Тудым кевытлашке, тӱрлӧ тӧнежыш пуэден кертына. Тыге ме марий еҥ-влакым тӱшка верлаште лӱдде марла пелешташ кумылаҥдена.

Marlaojlem7_Arslan_0.jpg

Йӱла почеш, чолгалыкым ончыктышо-влаклан «Мый марла ойлем!» символикан значокым пӧлеклышт. Молгунамсе семынак рушла-марла мутеран буклетым кучыкышт.

Акцийыш ятыр еҥ погынен ыле. Изи икшыве гыч тӱҥалын кугурак ийготан-влакат лийыч. Нуным пайремым эртарыше-влак оҥай программе дене куандарышт: шуко модыш, куштымаш, мурымаш, сылнымут флешмоб... Кумдан палыме марий мурызо-влак Роза Искакова, Лариса Сидоркина, Артур Ефремов, Вадим Краснов, Сергей Пакеев, Геннадий Григорьев, Геннадий Куклин калык чоныш тулым пыштышт.

«Марий Эл» газетын пашаеҥже-влак Любовь Камалетдинова ден Алевтина Байкова толшо-влаклан викториным ямдыленыт. Вашмутым чын пуышо-влаклан тӱрлӧ пӧлекым кучыктышт.

Marlaojlem19_Arslan.jpg

Мо оҥайже, «Мый марла ойлем» акций интернетышкат куснен: вконтакте социальный сетьыште ӱдыр-рвезе-влак аватаркыштым акцийын эмблемыж дене вашталтеныт.

Marlaojlem16_Arslan.jpg

«Мый марла ойлем!» акций умбакыжат илышаш, вияҥшаш да, шукырак самырыкъеҥым пырля ушен, йылмынам, тӱвыранам аралаш, вияҥдаш кумылаҥдышаш.

Акцийым Республикысе марий тӱвыра рӱдер, «ВийАр» мер ушем, Самырык-влакын Правительствышт – калык-влак кокласе кылым вияҥдыме шотышто группо Марий Элысе тӱвыра, печать да калык-влакын пашашт шотышто министерствын полшымыж дене пырля эртарышт.

Автор: Дина Коновалова, МарГУ,
«Арслан» этнокультур интернет-журналын практиканткыже.

Marlaojlem4_Arslan_0.jpg

Marlaojlem5_Arslan_0.jpg

Marlaojlem2_Arslan.jpg

Marlaojlem1_Arslan_0.jpg

Marlaojlem11_Arslan.jpg

Marlaojlem3_Arslan.jpg

Marlaojlem10_Arslan.jpg

Marlaojlem14_Arslan.jpg

Marlaojlem13_Arslan.jpg

Marlaojlem17_Arslan_0.jpg

Marlaojlem9_Arslan.jpg

Marlaojlem8_Arslan.jpg

Marlaojlem6_Arslan.jpg

Marlaojlem_Arslan.jpg

Marlaojlem17_Arslan.jpg

Marlaojlem18_Arslan.jpg

Икымше лаштыкыш пöртылаш>>>

Назад на первую страницу>>>

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.