Звенигово район Керебеляк селаште Марий Эл Республикын калык поэтше Осмин Йыванлан пöлеклалтше пайрем

Вход на сайт

OcminJuvan1_Arslan_0.jpg2015 ий 17 апрельыште Звенигово район Керебеляк селаште Марий Эл Республикын калык поэтше Осмин Йыванлан пöлеклалтше пайрем лиеш. Тудын шочмыжлан 3 апрельыште 100 ий темын.

Шукерте огыл Марий книга савыктыш "Чон пытен мутланымаш. Осмин Йыван: кава ден мланде коклаште" книгам луктын. Тудым Марий Эл Республикын "Марий Эл тÿвыра 2013-2020 ийлаште" кугыжаныш программыж почеш савыктыме.

"Тиде книга Марий Эл Республикын калык поэтше Осмин Йыванын шочмыжлан ик курым темме лÿмеш лукталтын. Тышке тудын тÿрлö жапыште серыме почеламут ден поэмылажым, илыш да литератур нерген прозо дене возымыжым, йолташ-влаклан да ватыжлан колтымо икмыняр серышыжым, тыгак марий писатель-влакын Осминлан возымо ятыр письмаштым, тудлан пöлеклыме почеламут-влакым пуртымо. Кугу вер поэтын мурпашажым да илышыжым почын пуышо рецензий, статья да шарныма-влаклан ойыралтын. Южо произведенийым рушла савыктыме", - тыге возымо "Чон пытен мутланымаш..." книга тÿҥалтыште.

Книгам журналист, шымлызе Гельсий Зайниев ямдылен.

Пайремыште у книга презентацият лиеш. Тушко Йошкар-Ола гыч уна-влак вашкат.

Автор: Эльвира Куклина.

Икымше лаштыкыш пöртылаш>>>

Назад на первую страницу>>>

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.