Михаил Матвеев: Калый йомеш гын, национальный СМИ йомеш (вашмутланымаш, фото)

Вход на сайт

6 мартыште Самырык этножурналист школыш «Кугарня» республикысе самырык газетын тÿҥ редакторжо Матвеев Михаил толын. Чолга еҥ ÿдыр-рвезе-влаклан вес кундемлашке, вес эллашке йöн лийме семын лектын кошташ, тÿням пален налаш тыршаш тыланен. Тудын деч школын участникше Вероника Созонова интервьюм налын.

Matveev_Arslan.jpg

- Михаил Иванович, кушто шочын-кушкында?

- Марий Эл Советский район Кугунур ялыште. Тунем пытаренам Роҥго кыдалаш школым.Вара тунемынам МарГУ-н историй-филологий факультетыштыже.

- Кузерак школышто тунемында?

- Классыштына 28 еҥ лийын: 14 ÿдыр да 14 рвезе. Мый тунемынам «А» марий классыште. Мемнан класс спортым йöратыше лийын, чылан сайын, нылытан ден визытанлан тунемме. Мый математике урокым йöратенам, спорт дене кылым кученам. Школым 1987 ийыште тунемын пытаренам.

- Изида годым кö лияш шоненда?

- Изием годым механик лияш шоненам. Молан? Изи годсек механик коллектив мыйым футбол дене пырля молаш налыныт. Павлов механикым пагаленам. Вячеслав Ешмековым мый авторитетлан шотленам.

- А журналист профессиалан кö тендам кумылаҥден?

- Ялыште илыше Нина Васильева. Тудо пагытыште Марий кугыжаныш университетын марий пöлкаш тунемаш куд рвезе пуренна. Нунын кокла гыч мый веле марий филологийым тунемын пытаренам.

- Келша мо тачысе пашада?

- Журналист паша пеш оҥай. Чаманаш гына кодеш, таче тудлан кÿлешан акым огыт пу. Журналистике Совет пагытыште кучемын 4-ше органже лийын… Тиде профессий эреак уым пален налаш тарата. Журналист универсал лийшаш.

- Илыш девизда уло, вет?

- Айдеме кеч кушто, кеч могай неле годымат айдемак кодшаш. Калык-влак 21 курымышто еҥын йонылышыжым ончен тунемшаш улыт.

- Уло мо национальный СМИ-н ончыкылыкшо? Могай корно дене вияҥын кертеш?

- СМИ - кугыжаныш кидыште. А калый йомеш гын, национальный СМИ йомеш. Калыкым арален кодаш чыла ыштыман. Тидлан кугыжаныш мутым кучышаш.

Shkola1_Arslan_0.jpg

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.