Василий Крыловын мутшылан муро-влак

Вход на сайт

РОЗА-РОЗМАРИ

Мутшо Василий Крыловын
Семже Валерий Аптыкеевын

Умыр касым,
Ныжыл вальсым,
Розукемым шарналтем.
Шуматкечын
Мый вел, каче,
Клубышкат шым кай - шинчем.

Припев:
Роза-Розмари,
Сылне марий лӱм.
Роза-Розмари,
Тый денет кылдалтын мыйын шӱм.

От ӱшане,
Туге, ане,
Тиде мутым колатат:
"Вучем шошым
Шӱмыш толшым..."
Шер гай ныл буква - Роза.

Припев.

Умыр касым,
Ныжыл вальсым,
Розукемым шарналтем.
Шуматкечын
Мый вел, каче,
Клубышкат шым кай - шинчем.

Припев.

ЭРЕ КОКТЫН ЛИЙЫНА

Мутшо Василий Крыловын
Семже Юрий Евдокимовын

Икте-весынажым
Ваш йӧратена.
Кидпӱаныш налын
Ошкыл колтена.
Таче коктын.
Эрла коктын,
Эре коктын лийына.
Ош тӱняште,
Йывырталын,
Ме волгалтын илена.

Припев:
Коктын ӱмыр мучко,
Ончык ик семын ошкыл,
Ваш-ваш келшен илен,
Висвис кумылым нӧлтен,
Нелым иквереш сеҥен,
Еҥлан порым вел шонен,
Коктын чоҥена ме сай ешым,
Йӧратен калыкнам.

Таҥ ден ӱмырнажым
Иктыш ушышна,
Да кушкеш ешнаже,
Шочшым ончена.
Таче коктын.
Эрла коктын,
Эре коктын лийына.
Ош тӱняште,
Куаналын,
Шӱшпык гае илена.

Припев.

Ныжыл кумылетлан
Мые ойлынем:
"Пу, йолташ, кидетым.
Лий тый пеленем".
Таче коктын.
Эрла коктын,
Эре коктын лийына.
Ош тӱняште,
Вычыл-вычыл,
Вараксим гай илена.

Припев.

Mari
Tags: 
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.